#حب_من_رحم_الكراهيه
الحلقه 25 والأخيره.
جهاد:-
بعد ماسمر جوها أهلها حبيت نعطيها مساحه معاهم وبنفس الوقت كنت قاعد علي نار نستني في نتيجة التحاليل امتي تطلع .
طلعت ومشيت لمكتب الدكتور خبطت ودخلت '-
جهاد -
السلام عليكم
د.مؤمن:-
وعليكم السلام تفضل استاذ جهاد
جهاد:-
تسلم...طمني يادكتور طلعت نتيجة التحاليل.
د.مؤمن:-
مع الأسف ..النتائج ماتبشر بخير.
جهاد بصوت مفزوع:-
ليش يادكتور شن في ان شاء الله خير.
د.مؤمن:-
الجنين ف وضع حرج...بس مع هذا ماتفقد الأمل...هيا بس تحتاج للراحة القصوى ويمكن ربي ينفخ فيه الروح ويكتبله عمر.
جهاد بحزن:-
والنعم بالله ...طيب لعند امتي رح تقعد تحت الخطر.
د.مؤمن:-
حاليا لو مرو هال3ايام ع خير فهالشي أكيد يبشر بالخير ..ورح تزيد فرصه نجاه البيبي ..بس أهم شي أنها تستريح كويس وبعد نكتبولها خروج تقعد تحت العنايه التامه وماتتعب نفسها ولا تتحرك بالشهرين
الاولات
جهاد بقلق:-
وهل في خطر علي حياتهاف حاله بقاء الحمل
د.مؤمن بأبتسامه:-
لا اطمن ..الدواء اللي خذاته كان تأثيره ع الجنين بس ..بس الام مافي أي خطر علاها .
جهاد وتنهد براحه:-
الحمد الله يارب ...الحمد الله .
د.مؤمن:-
فداشها محظوظه ...ماتنهدت هالتنهيده لما قتلك عن البيبي
جهاد بأبتسامه:-
ااه اااه لو قلت أنها عمري وكل دنيتي شويه فيها .
د.مؤمن:-
ربي يخليكم لبعض ان شاء الله.
جهاد :-
وقفت وسلمت ع الدكتور وشكرته وطلعت.
.
.
بعد مرور أسبوع:-
تمت محاكمه سليمان وفوزي صلاح وحكموا عليهم مؤبد ..أما مروان حكموا عليه ب12 سنه بسبب أعترافه ومساعدته للشرطه ف تحقيق العداله .
طلعت سمر من المستشفي وكان جهاد وكل عيلتها وعيلته يعاملو فيها زي الريشه والكل مهتم فيها وخايف علاها تحسنت علاقتها مع اهلها وشوي شوي بدت تتعود ع أهل جهاد وخصوصا أمه واخته وحناه ..كانت حياتها هاديه وحلوة ومستقره وأكثر شي مريح بالها أنها تخلصت من سليمان ومشاكله.
.
.
.
بعد مرور شهرين:-
سمر:-
قاعده بدار النور وماسكه كورة الصوف ونحيك ف قفاز للبيبي صارلي حامل 4شهور وداخله بالخامس الحمد الله تجاوزت مرحله الخطر بأعجوبه وأكثر شي كان ليه الفضل هو جهاد والراحة النفسيه والجسديه اللي كان معيشني فيها شوي ودخل عليها نور عيوني :-
جهاد:-
مساء الفل حبيبتي.
سمر بأبتسامه؛-
مساء العسل حبيبي ...الحمد الله ع السلامه غزالي.
جهاد بتعب وجي تمدد بجنبها ع السرير:-
الله يسلمك....ولف جيهتها اتكى ع يده وحط يده ع بطنها"كيف حال البطل"
سمر بابتسامه دافيه:-
الحمد الله ...بادي بالحركه .
جهاد:-
حطيت راسي بحضنها ومسكت فردة القفاز اللي.كملت حياكتها ..وقعدت نتأمل فيها بهدوء وأبتسامه "أخيرا رح يكون عندي قطعه من سمر حب حياتي".
سمر:-
وهيا تخربش ف شعره "تعرف أني متشوقه هلباااا عشان نشوفه".
جهاد بأنزعاج:-
مش شايفه انك تتكلمي ع هالفصعون هلبااا...حتي انك بعمرك مافكرتي اديريلي قفاز وهو ع طول اديريله في حاجات.
سمر:-
ههههههههه حبيبي معقول تغار من بيبي لسه ماجاش ع الدنيا .
جهاد:-
عشان انتي رح تحبيه اكثر مني ورح تنسيني وتهتمي بيه بس
سمر:-
طبست عليه وبسته من جبينه "مستحيل نحبه أكثر منك عشانك أنت
المرحلة الاخيره من العشق اللي وصلتله واللي مستحيل حد يوصله حتي ولادنا...رح تقعد عشقي المميز...حبيبي المجنون...طفلي العنيد..
وصديقي المقرب..أنا نحبك ياغبي بكل ماعندي من قوة.
جهاد:-
حضنتها بقوووووة "وأنا نموت فيك ياعمري ومستحيل نقدر نعيش دقيقه من غيرك"
