#حب_من_رحم_الكراهيه
الحلقه العاشره.
سمر:-تعودت علي جهاد وتعودت نسهر معاه كل ليله ونحضرو فيلم لعند نغفى لينا أكثر من أسبوع ونحن ع نفس الحال كل ليله ...اليوم جهاد تأخر بالشغل وجت الساعه 11 بالليل ولسه ماجاش جهزت الفشار والفيلم وقعدت نستني فيه حسيت روحي أنشغلت عليه وخفت نعرفش نفسر هالشعور اللي حسيته ايش بالضبط قعدت متردده بين نتصل عليه أو لا وبالأخر حسمت أمرى وقررت نتصل رن مره واتنين التالته رد
جهاد:-بلهفه وخوف الو سمر فيك شي.
سمر'-بأرتباك اهلين جهاد احم لا مافي شي غير أتصلت عشان نسألك امتي تروح .
جهاد:-بتنهيده وابتسامه مخفيه ليش في شي .
سمر:-اه احم لا مافي شي بس حبيت نسأل عشان وفجأه سمعت صوت بجنبه و وحده تقوله جهاد تكلم ف سمر سلملي عليها.
جهاد:-سمر تسلم عليك هديل
سمر:-رفعت حاجبها وقالت بنبره صوت مستنكره هديل من!!
جهاد:-زميلتي ف الشغل طالعين نتعشو وعندنا شغل نكملو فيه.
سمر:-اها تمام اسفه قطعت عليك وسكرت بوجهه.
قعدت ندور زي المجنونه بالصاله نعرفش ليش حسيت روحي مضايقه وجوي تخربط من وقت ماسمعت صوت صديقته معاه جيت بغيظ خديت الفشار كبيته ف القمامه "ءصلا الحق فيا اللي موتيه الحاجات ونستني فيه" ولوحت السي دي ع الصالون وخشيت لداري الحق فيا اللي نستني فيه ...شفتي ياسمر كيف بسرعه مل وقعد يدور ف الفرصه عشان يسهر البره انتي اللي غبيه صدقتي من الأول انه رح يقعد مهتم بيك ديمه اذا كان اهلك هملوك بيهتم هو ....ياسرك من الوهم وفيقي لروحه وبلحظه غضب وضعف فتحت الدولاب وجبدت علبه المنبهات اللي شريتها من كم يوم خديت حبه وكليتها ..مرو 5 دقايق وكيف بديت ننعس نسمع ف باب الشقه انفتح وجهاد ينادي .
......عند الحاج.عمران:-
الحااجه فاطمه:-سمعت من فتحية بكرى ياحاج أنك بتعزم جهوده الجمعه هو ومرته.
الحاج عمران:-صحيح بكرى كلمت بشير وأقترحت عليه ووافق.
الحاجة فاطمه:-فيش تفكر ياحاج بييش درت هالعزومه.
الحاج عمران:-نفكر نقرب القلوب ياحاجة وننهى هالحوسه نخاف نموت وانا ماصلحت شي ولا كملت المشوار اللي بداه هذاك الباهي.
الحاجة فاطمه:-ربي يطول بعمرك ياحاج وان شاء الله تعيش وتدير كل ماتبي.
الحاج عمران:-العمر يعلمه ربي ياحاجة وانا مش مؤمن لسليمان ومادا بيا تنكشف الحقيقه اليوم قبل بكرا.
الحاجة فاطمه:-سيورها تنكشف وينعرف كل شي ماتشغل بالك وتقعد تخمم.
الحاج عمران:-انا اللي يهمني ان سمر تعرف الحقيقه وتعيش حياتها طبيعيه ماتنسي انها امانه ومن طرف الطيب الغالي
الحاجه فاطمه:-اي والله ياحاج ربي يهدي سرها وتلين لجهاد وتريح قلبه والله مايستاهل ياريتها تعرف بمشاعره اتجاهها
الحاج عمران:-الكل انظلم وهذا ليش نبي ننهي هالموضوع يصير خير وخلاص.
الحاجه فاطمه:-ربي يقدرك وتحلها ع خير ياحاج.
...............
عند سماح:-
مشيت عند أمى اليوم انا والصغار وصلت وخشيت من البوابة لقيت امى وبوي ف الجنان .
السلام عليكم.
خالد و وفاء:-وعليكم السلام اهلين بنيتي كيف حالك
سماح:-الحمد الله كيف حالكم انتم.
وفاء:-الحمد الله.
خالد:-امالا وين مالك ياسماح .
سماح:-حطني ومشي بيحجز تداكر عنده سفر بكرا وبيجي.
وفاء:-يمنى حبيبتى كيف حالك
يمنى:-االحمد الله اميمه
خالد:-والبطل يسورى كيف حاله
ياسر:-الحمد الله جدو.
خالد:-امالا خلي انوض انا نقضي مشواري مع علي خوى بيش لما يجي مالك نتعشو مع بعض .
وفاء:-مربوحه ان شاء الله
سماح:-امالا وين. هاله ياماما
وفاء:-تو كيف خشت كانت بايته هيا وسراج عند امها ...ماك عارفتها ليها هلبه ماشافتهاش من وقت ماسافرت لمصر عند هويدا اختها.
سماح:-عندها حق مسكينه مستاحشه اميمتها بالله...المهم ماما نبي نطلب منك طلب.
وفاء:-قولي بنيتي شن تبي.
سماح'-نبيك تخليلي الصغار عندك 5 ايام غير بنسافر مع مالك لتركيا 5 ايام ومروحين.
وفاء:-خلاص عادى هما مايتعبوش وحتي يستانس بيهم سراج ويلعبو معاه.
سماح:-بفرحه ربي ما يحرمني منك ياأحلى ماما.
..................
عوده عند جهاد:-
بعد كلمتني سمر وحسيتها اضايقت وسكرت ف وجهي نضت ودعت هديل وروحت وصلت لشقه وفتحت الباب لقيتها هادية زي العاده مشيت لدار سمر وخبطت الباب وخلت:-
جهاد:-مساء الخير.
سمر:-وهيا باديه ترتخي اهلين
جهاد:-_أسف ع التأخير مش قصدي بس كان عندي شغل ضروري
سمر:-بصوت ضعيف ما حد طلب منك تبرر
جهاد:-_سمر خيرك فيك شي صوتك مش عاجبني.
سمر:-بتحدي شي ببساطه مفعول الحبه بدي ياخذ فيا.
جهاد:-بصدمه وعيون مفتوحه سمر أنتي خذيتي الحبوب من جديد
سمر:-بعناد ايه ولو سمحت اطلع نبي نرقد
جهاد:-قرب منها ومسكها من كتافها وقعد يهز فيها قداش خذيتي حبه يامجنونه قولي.
سمر:-بعصبيه وعياط ماليكش علاقه فيا واطلع
جهاد:-مش طالع وقولي قبل مانفصل عليك وتشوفي وجهي التاني .
سمر:-بلعت ريقها بخوف وقالت بتردد وحده.
جهاد:-اوف الحمد الله أقعدي نبي نحكي معاك.
سمر:-قعدت ع السرير وعدت تشبحله نعم تحكي شن تبي.
جهاد:-أنا سألت طبيب متخصص وحكيتله عن كل تفاصيل حالتك وقال أنك مش محتاجه تقعدي ف المصحه عشان تتعالجي من الأدمان قالي أن الحل ان نحن نديرو سحب جزئي للجرعه يعني مثل أيام الاولي نعطيك حبتين واللي بعدها نعطيك حبه والايام اللي بعدها نعطيك نص وهكذا لعند تتشافي نهائيا.
سمر:-قعدت نشوفله وأنا مصدومه معقول أنا مهمه ليه لهالدرجة ..معقول. مهتم لدرجه يسأل دكتور ويهتم بكل تفاصيلي عشان نشفي .
جهاد:-بس بس وين سرحتى..يلا خشي تحت اليرغان ومددى جسمك عشان تستريحي.
سمر:-أوك..درت اللي طلبه منى وبعدها جي. قعد بجنبي ع السرير.
جهاد:-مسكت راحة يدها وقعدت نمسج فيها بصوابعي..هذا جزء من العلاج اللي قالي عليه الدكتور يلا غمضي عيونك وأستريحي.
سمر:-سمعت كلامه وانا شبه متخذره من قربه وحركة ايده غمضت عيوني عشان نغفى ونرتاح.
جهاد:-قعدت معاها ع وضعي هذا قريب ربع ساعه وحسيت ان نفسها انتظم وغفت قربت منها وبست جبينها وقعدت نتأمل فيها"وهمست نحبك ياسمر...نحبك بجنون وبدرجة ماعمرى توقعت نحب بيها حد. ..تعرفي أنك وقت تكوني راقده تشبهى الملايكه..بس أول ماتفتحى عيونك تقول لبسك شيطان والعياذ بالله..ومع هذا نحبك بكل حالاتك سواء بهدوؤك او وقت تكوني مجنونه...لكن تعرفي شن حبك ف حياتى زي اللعنه لانى قادر نتخلص منه ولا نصارحك بيه وتخاف ع طول لو قتلك أنى نفقدك ...ههه أنا مش عارف حتى علاش نحكيلك ف هالكلام وانتى راقده... بس مع هذا أرتحت وقت حكيتلك وانتى مش سامعه شي وقرب منها وباس راسسها "تصبحى ع خير حبيبتي".
سمر:-أول ماطلع فتحت عيونى وماعاد قدرت نمسك دمعتي أكثر بكيت بحرقه وقهر..حاليا نعيش ف صراع داخلي بين تأثري بكلامه وخوفي من أني نحبه ونخون خوي قعدت في هالحيره لعند غلبني النعاس وغفيت
..........
عند الحاج سليمان:-
لطفي:-السلام عليكم ياحاج
الحاج سليمان:-وعليكم السلام خش يالطفي .
لطفي:-وصلت جيت بنبلغك ان اتفقنا ع موعد تسليم ورح يكون الاتنين الجاي الساعه 3 بالليل.
الحاج سليمان:-خذيت احتياطك باهي مانبيش تكرر نفس الغلط من جديد
لطفي:-كون هانى.ياحاج هالمره ان شا الله مش رح يكون فيه اي خطأ.
الحاج سليمان:-بلغت فوزى بالموعد
لطفي'-بلغته ونبه عليا تن ما حد يعلم بالموعد الا حني التلاته.
الحاج سليمان:-كويس بكل وزى ماقتلك حسيت بأي خطر الغي الموضوع.
لطفي:-تمام ياحاج تم.
..................
الصبح الساعه ٩:٠٠
فقت من النوم شفت للساعه لقيتها 9 استغربت من روحي فايقه بهالوقت وشبعانه نوم ومتنشطه نضت من السرير غسلت وجهي وطلعت للصاله لقيت جهاد قاعد ع اللاب توب متعه... أول ماشفته حسيت نبضي تلخبط وكأن هذه أول مره نشوفه فيها أرتبكت وقربت منه وقلت بنبره صوت مهزوزه "صباح الخير".
جهاد:-بتفاجأ صباح النور ياألهي سمر خالد سليمان فايقه بدرى شن هالمعجزه.
سمر:-برتباك اه يمكن لأني رقدت بدري.
جهاد:-بغمزه والا لأني قعدت جنبك ودرت حركات السحريه .
سمر:-حسيت وجهى قعد احمر وهربت منه للمطبخ دخلت وحطيت الشاى ع النار شوى ودخل جهاد وراي .
جهاد:-تربحى خلي الدحى تو نديره أنا وانتى ديري الشاي.
سمر :-أوك وبينما نحن مشغولين ف ديران الفطور رن تليفونه :-
جهاد:- ألو هديل صباح الخير
سمر:-لما سمعت اسم هديل اضايقت وقعدت نحاول نسمع شن تقوله.
جهاد:-الحمد الله كيف حالك أنتى .
...غير فكينى من جو الدراما متعك هههههه.....نطلعو وين .
سمر:-طلعت من المطبخ وانا وجهى مايتفسرش وخليته يكلم فيها .
بكيت نفطر وشوى وجى جهاد قعد جنبي وبدى يفطر شوي وسألنى.
جهاد:-سمر
سمر:-نعم
جهاد؛-أمتى أخر مره زرتى فيها قبر خوك
سمر:-شافتله بصدمه من كلامه وقتله بتلعثم قبل بنمشي امس بعدها كلمتني سماح ع أساس بتجيني وماصارش.
جهاد:-امم شن رايك نرفعك تزوريه اليوم.
سمر:-بالحاق تحكي .
جهاد:-ايه بالحق نمشي انا وياك
سمر:-بس مش كنت تكلم ف صديقتك وع اساس بتطلع معاها.
جهاد'-كلمتني ع اساس بنمشو مشوار مشي اعتذرت منها .
سمر:-تمام نظم الصفره ونبدل ونجيك.
جهاد:-تمام نستنى فيك
سمر:-ضميت المطبخ وخشيت بدلت حوايجي وطلعت أنا وياه ركبت بجنبه ف السيارة ومشيت معاه واول ماوصلنا وطفي السيارة بصدمه ....
.
.
.
#يتبع
مساء الفل صديقاتي ...برايكم شن هيا الصدمه وشن تأثيرها ع جهاد وسمر....بإنتظار رايكم وتفاعلكم الحلو
تحياتي صديقتكم.
#zezo_a_Saad.
