#حب_من_رحم_الكراهيه
الحلقه الثامنه عشر.
سمر:-
كنت قاعده مع جهاد وهديل بالصاله ونحكو مع بعض رن جرس الشقه .
جهاد :-
هذا أكيد حاتم خلي نشوفه....وأنتي يافرخه اللي أسمك هديل يديرلك ربي وتحلي فمك بكلمه لسانك نقطعه فاهمه.
هديل:-
كتفت يديا قدام صدري ايه ايه بدافع عليه وتوقف ضدي ماهو صاحبك
جهاد:-
مسكت وسادة الصالون وضربتها بيها ع وجهها تي سكري فمك يافرخه بلا دوة المفرخ هذه تو تشوفيني شن بندير فيه انتي بس تبكشي وماتقولي شي ..أنا نبيكم تتصالحو وتفكوني من دوتكم ومشاكلكم اللي تصدعولي بيها في راسي كل مره .
هديل:-
بضحك باهي باهي سكتت ها.
جهاد :-
مشيت فتحت الباب .
حاتم:-
ساعه النم باش تفتح خللت قدام الباب.
جهاد:-
أستني مايصرالك شي المهم شن الجو
حاتم:-
بيك احلو يابرو ..شحوالك انت لاباس
جهاد:-
سڤا يعيشك ..ايه زيد ادوي تونسي عشان ندخلها ف راس هديل انك بتمشي تقضيلك يومين حلوين ف تونس 😉.
حاتم:-
لا ياراجل الله يسترك انا هكي ومش سالك.
جهاد:-
خش يلا وكبر راسك معاها تقعدش تتنرفز وتخلط ف الدوه وبدل لتكحلها تعميها.
حاتم:-
بالله عليك ياجهاد انت تعرف اني عصبي مع الكل الا معاها ..بس هيا مزاجيه هلبا وبعد تغار تولي مجنونه ولاتطاق
جهاد:-
كويس انك عارف انها مجنونه لما تغار بس
حاتم:-
تي باهي شن ذنبي النم انت عارف سهام لصقه للنم وتلصق حتي كم مره فيك عشان توصلها للحوش شن بنديرلها قالتلي وصلني نقوللها لا .
جهاد:-
ماك عارفها انت هذا ليش هيا تكرها وع طول فأر وقطوس معاها.
حاتم'-
قعدت تبكي .
جهاد:-
لو بكت كنت قصيتلك رقبتك انت تعرف أنها أختي قبل صديقتي وعلاقتي بيها من حد نحن صغار .
حاتم:-
طيب وين هيا توا
جهاد:-
مع سمر ف الصاله
حاتم:-
قاعده مع سمر ولعند توا ماقتلتهاش
جهاد:-
لم روحك ياولد شن مرتي متوحشه ..أصلا أنا خايف عليها من خطيبتك تفسدها.
هديل من الصاله:-
ع فكره أنا اللي زعلانه ونبي من يرضيني مش جهاد راهو
جهاد:-
خشلها فيسع قبل ماتجيك تفترسك
حاتم:-
دعواتك ياشيخ..احم السلام عليكم ..مدام سمر كيف حالك
سمر'-
مرحبتين استاذ حاتم الحمد الله انستنا
حاتم:-
الله يأنسك...وأخيرا تلاقيت مع الاسطوره سمر ..جهاد هذا صدعنا روسنا من كثر مايدوي عليك .
