#حب_من_رحم_الكراهية
الحلقه الثانيه والعشرون
جهاد:-
قاعد بالصاله وراسي بينفجر ونحس بالشقه بدت تضيق عليا ونفسي يادوب نلقط فيه تلقيط حاولت كم من مره نحكي مع سمر بس مش راضيه حتي ترد عليا من وقت مادخلت لدارها وسكرت الباب عليها مرت نص ساعه ومع كل دقيقه تمر قلبي ينقبض أكثر وأخيرا أنفتح الباب وياليته ماانفتح .
جهاد بخوف :-
سمر سمر ايش هالشناطي وحياتك مااديري فيا هكي .
سمر:-
ودموعها ماوقفو ع النزول "ياريت لو فيا أندير غير هكي "
جهاد:-
قربت منها ومسكت وجهها بين ايديا وقلتلها بصوت مخنوق بالدموع "وحياتك بس عطيني فرصه ..فرصه وحده لاأدمري اللي كان بيناتنا"
سمر:-
عطيتك هالفرصه ياجهاد وعطيتهالك أنت من غير الكل ..بس أنت ضيعتها وضيعت معاها ثقتي فيك .
اااه ااه ياجهاد...ياريت لو كان بيدنا نردو الزمان ...جهاد من الافضل لينا أننا ننفصلو ..الطل....
جهاد:-
قربت منها أكثر زي المجنون وحطيت يدي وراء راسها ويدي الثانيه ع فمها
"وحياتك لاتقوليها ..لاتنطقيها وغلاوت سامر عندك ..كل شي الا الطلاق...أذا ماتبي تسامحيني عادي ..أذا تبي تمشي توا وتسيبيني عادي بس طلاق لا...رح يجي يوم وتعرفي الحقيقه ..ورح ترجعي ..ورح تلقيني نستنى فيك ..عشان هكي ماتاخذي قرار نندمو عليه بعدين .
سمر:-
حضنته بقوووة وتمسكت فيه وقتله ببكاء حرقه "ياريتك مادرت فيا هكي ياروحي ..ياريتك صارحتني وخبرتني من قبل مانعرف بهالطريقه .
جهاد:-
ضميتها ليا لأكثر "سامحيني ياعمري ..وحياتك سامحيني ".
سمر:-
تمسكت بيه أكثر"عارفه انك أنت ماقتلته..شي قوي بداخلي يقولي هالشي ويمنعني أني نصدق ..بس صعب عليا ننسى اللي صار ".
جهاد:-
عارف ياروحي عارف ..رح نعطيك وقتك ورح نستناك لأخر عمري وعد مني بعدتها شوي عن حضني وطلعت السلسله من تحت تيشرتي فتحتها وطلعت منها الدبله ومسكت يدها ولبستهولها.
"هالخاتم خليه بيدك طالما تحبيني ماتنحيه ..ولو بيوم تلاقينا وماقدرت نسألك ولاقدرتي تصرحيلي بحبك هالخاتم رح يخليني نعرف الجواب اذا كان بيدك".
سمر:-
قربت منه وحضنته بلهفه وقعدت ع هالحال لمده 10 دقايق حاضنين بعض من غير ولاكلمه ولاحركه وبعدها بعدت عنه وبسته بعمق من خده وطلعت من الشقه .
.... ........
عند الحاج عمران:-
قاعد مع الحاجه فاطمه بالصاله ومعانا فتحيه وبشير شوي ودخلت علينا حنان .
حنان:-
السلام عليكم
الكل :-
وعليكم السلام
حنان:-
قربت من جدي وبست ع راسه كيف حالك ياتاج روسنا
الحاج عمران:-
الحمد الله حنونتي بشوفتك أنا ف خيار الخير
حنان:-
حضنت اميمه فاطمه "اميمه نور عيوني كيف حالها.
