#حب_من_رحم_الكراهيه
الحلقه الرابعه.
جهاد:-
كنت قاعد نستني ف سمر أمتي تنزل وتنرفزت لأن تأخرت هلبا وأنا عاطيها علم من الليل وفجأه شد أنتباهي كلام أختها لما قالت "مدمنه ع هذاك السم" كنت رح نسأل بس فجأه نزلت سمر.
سمر:-
نزلت لقيته يستني فيا ف الصاله وقفوا كلهم أول مادخلت بشنطي وقلتله أنا جاهزه .
هاله :-
قربت من سمر وحضنتها وهمستلها سامر كان يتمني يشوفك عروس أكيد لو كان عايش كان كل شي تغير حبيبتي بس القدر هكي راد وألتفتت لجهاد
"مع أني معاهده نفسي أني مانلتف.أو نحط عيني بعين واحد من عيلة عمران بس عشان سمر ندير اي شي أرجوك رد بالك منها واهتم بيها وماتظلمها أكثر ماهي مظلومه" .
جهاد:-
كوني مطمنه .
هاله:-
بستها ع جبينها ووخرت وبعدها قربت منها سماح
سماح:-
حضنتها وقلتلها بدموع عارفه روحي ماكنتش أخت كويسه ليك زي سامر بس والله نحبك ونتوجع لوجعك بس ماباليد حيله .
سمر:-
عادي أختي مافيش مشكله وأصلا هالكلام ماعاد منه فايده لأنه جي متأخر.
وفاء:-
تقدمت منها وأنا خايفه انها تنفجر بوجهي حضنتها بقوووه وهمستلها عارفه أن طلبي صعب بس نتمني أنك تسامحيني ع كل شي صار وبستها.
سمر:-
همستلها كويس أنك تعرفي أن هالشي صعب ماما..وبعدت علاها
.
خالد:-
حضنتها وقلتلها نعرفك قويه وعنيده ورح تتخطي هالمحنه ع خير
سمر:-
بعمري ما كنت قويه يابابا وكلكم تعرفو هالشي هالقوه اللي تحكي عنها أنتم أخترعتوها عشان تبررو أهمالكم ليا مش أكثر وبعدت عليه
مشيت جهة سراج وقعمزت ع ركابي وحضنته بقوووه وقعدت نبوس فيه ونشم ف ريحته"نبيك تعرف شي واحد أني نحبك أكثر حتي من روحي و انك اغلي شي عندي بهالدنيا ونبيك تعرف أن أنا درت الشي هذا كله عشان خاطرك ياعمتو" وحضنته للمره الأخيره وطلعت من غير حتي مانلتفتلهم.
................
عند حوش عمران:-
محمود:-
أنتم راضيين بكلام بوكم ..
ناصر:-_
وشن تبينا نديرو تقدر توقف ف وجهه وتعصيه.
محمود:-
بوك هذا مش عارفه شن اللي صارله نسي الثار ويبي يرقد الدم وخوكم بشير راضيله وواقف معاه.
محسن:-
ماتنسي أن الثار زي ما قاعد ياكل منهم ياكل حتي مننا وأنظني ياسر اللي راحو وياسر من وجع الفرااق.
ناصر:-
بتعصيب يعني شني ننسو دم ولادنا وندكو راسنا ف الطين.
محسن:-
ياخوي زي ماولادنا حتي هما ولادهم راحو ف جرت هالثار والحاج سليمان ليه نفوذه ورجل صاعب ومتجبر ويكفينا عداوه معاه .
محمود:-
انت شكلك نعجت يامحسن وقعدت زي خوك بشير .
محسن:-
أنا هذا اللي عندى قلته وأنتم تفاهمو مع بوكم لو قدرتوا هيا أنسستوا بعض.
