#حب_من_رحم_الكراهيه
الحلقه السادسه.
سمر:-
لما قربت من جهاد وحطيت يدي بشعره وقعدت نتأمل فيه وللحظه حسيت بمشاعر جواتي أول مره نحس بيها يمكن عشان أول مره نكون قريبه منه لها الدرجه أو يمكن لأن أول مره نلمسه ونحس بنفسه قريب مني لهالدرجة سرحت فيه لدقايق نعرفش كم بس طالت مدة تأملي وأنا نحرك ف صوابعي بشعره وع وجهه فجأه فقت من سرحاني فيه وقت تحرك بأنزعاج أرتسم ع ملامح وجهه وهو راقد وقت مررت صوابعي ع شفايفه من غير مانحس
فقت لروحي وتحركت بشويش عشان مايفيق وطلعت من الدار مشيت لداري قعدت ندور فيها زي المجنونه "سمر أنتي شن قاعده اديري أنتي نجنيتي نسيتي هذا اللي تتأملي فيه وهايمه من يكون هذا من العيله اللي قاتله خوك أفهمي ياغبيه وماعاد تنسي هالشي " ..مشيت للدولاب فتحته طلعت بنطلون بيج وبلوزه بيضاء وجاكيت كحله مخصره ووشاح لبسته بسرعه وطلعت من الشقه من غير مايحس بيا.".
...............
عند هاله:-
كنت قاعده بالجنان ونلعب ف سراج شوي ودخلت سياره سمر من البوابه سراج أول ماشافها مشي يجري جيهتها:-
سراج؛-
عمتووو أستاحشتك
سمر:-
نزلت وقمته بحضني وقعدت نبوس فيه بلهفه وشوق وكأن ليا سنين ماشفته "حتي أنا استاحشتك هلبااا ياروح عمتو" ومن غير مانحس دموعي نزلو ..طمني عنك حبيبي كيف حالك وحال صحتك يا قلبي
سراج:-
الحمد الله مستاحشك هلبا هلبات .
سمر:-
حتي أنا هلباااااا قد السماء والنجوم
سراج:-
عمتو وين عمو جهاد ماجاش معاك
سمر:-
بأرتباك عمو جهاد عنده شغل حبيبي هذا ليش ماجاش.
سراج:-
يعني بعد يكمل الشغل بيجي صح عثان نلعب انا وياه .
سمر:-
ايه حبيبي تعالي شوف شن جبتلك معاي هلبااا حاجات .
سراج:-
بفرحه يسلمووو عميمه .
هاله:-
سموره حبيبتي كيف حالك شن هالمفاجأه الحلوه وحضنتها .
سمر:-
اهلا هلوشتي أستاحشتك أنتي وسراج قلت نديرلكم زيارة .
هاله:-
_ياقلبي والله مكانك فاضي وحتي أنا أستاحشتك هلبااا ..
نخشو الداخل والا نقعدو ف الجنان.
سمر:-
لالا خليك هنايا الجو حلو وسراج يقعد يلعب قدام عيونا .
هاله:-
تمام حبيبتي عطيني 5 دقايق ندير قهوه ونجيك ...مشيت درت فنجانين قهوه وطلعت للجنان لقيت سمر تلعب ف سراج بالحاجات اللي شرتهمله ناديت علاها جت قعمزت بجنبي .
سمر:-
صحيتي ياقلبي جي ف وقته يسلموو ايديك
هاله:-
صحتين ع قلبك حبيبتي ...ايه خبريني شن جوك .
سمر:-
ماشي الحال الحمد الله .
هاله:-
كيف امورك مع جهاد
