#حب_من_رحم_الكراهية
الحلقه الواحده والعشرون
سمر:-
مر شهر عليا مع جهاد عشت فيه أجمل لحظات عمري ...حسيت بسعاده بعمري ماتوقعت أنها موجوده أصلا فقت الصبح وزي العادهك أتصبحت ف أجمل وجه #جهودي حب عمري فطرنا وكنا فاعدين بالصاله ندردشوا لعند رن جرس الباب .
سمر'-
من اللي جاينه زعما توا
جهاد:-
نعرفش خلي أنوض نشوف
مشيت للباب وفتحت :-
مروان:-
صباح الخير.
جهاد:-
أنت تاني شن جابك هني
مروان:-
أحم ناديلي ع سمر
جهاد:-
لا والله ..ترا أحلف
مروان:-
جهاد بالله عليك مش وقت بصاره نبي سمر ضروري
جهاد:-
كتفت ايديا قدام صدري "ومن اللي قالك اني نمزح".
سمر:-
جهاد من اللي ع الباب...او مروانو صباح الخير هيا خش
مروان:-
لالا أابسي وهيا معاي
سمر:-
بخلعه وين شن ف صاير شي بأهلي
مروان:-
سمر جدي وعمامي طالبينك.
سمر:-
ومن أمتي يطلبوا فيا وليش أصلا.
مروان:-
ألبسي بسرعه وألحقيني نستني فيك لوطى .
سمر:-
خوفني كلام مروان ...سكرت الباب وتلفتت شوفت الخوف والارتباك بعيون جهاد قربت منه ومسكت وجهه بين أيديا .
"ماتخاف حبيبي ..مش رح يصير شي صدقني...لو مهما قالو وحكو مش رح يأثر فيا كلامهم".
جهاد:-
ضميتها بقوة "لو مهما صار نبيك تعرفي أني انحبك بجنون..وأن حياتي صارت غير من يوم ماعرفتك ..وأن الشهر اللي عشته معاك عشت فيه بسعاده بعمري ماحلمت بيها ولارح ننساها" .
سمر:-
بخوف "روحي خيرك تحسس فيا أن ماعاد رح نولي".
جهاد:-
المشكله أنهم رح يخلوك ترجعي...بس ياخوفي أنتي اللي تمشي وماعاد ترجعي
سمر -
حطيت جبيني ع جبينه وهمستله "جهاد شن هالكلام الفاضي اللي قاعد تقول فيه ..ماف قوة بالعالم تقدر تبعدني عنك ".
جهاد:-
بدموع "ياريت ياروحي ياريت"
سمر:-
حبيبي في شي داسه عليا وأنا مانعرفاش.
جهاد:-
ألبسي وبريلهم وبعدها نحكو مرات يطلع مش نفس اللي نفكر فيه
سمر:-
بخوف وصوت مرتعش "جهاد شن قصدك وضح كلامك"
جهاد:-
بري توا وبعد تجي نقولك
سمر:-
اوك حبيبي مش رح نتأخر
دخلت لداري غيرت حوايجي وكان واقف بجنب الباب ويشوفلي بعيون كلها دموع .
"روحي ماتقعد تشوفلي زي البيبي اللي بيفارق أمه "
