#حب_من_رحم_الكراهيه
الحلقه التاسعه.
سمر:-
حسيت كلام جهاد أثر فيا وحبيت أن نتغير عشان خاطري وخاطر جهاد الليله الأولي قدرت نرقد ومن غبائي لوحت علبه الحبوب كلها جت الليلة التانيه ونحس راسي بيتفجر من الصداع وبننجن جسمي كله قاعد يوجع فيا قعدت نفتح ف الأدرج وف الدولاب وندور زي المجنونه .
جهاد:-
كنت راقد فقت ع صوت حركة طلعت من الدار وتوضح أن الصوت جهة دار سمر مشيت جهتها وفتحت الباب "سمر شن قاعده اديري".
سمر:-
تلفت عليه نبي حبه مش لاقيه.
جهاد:-
كنت متوقعه هالشي يصير دخلت للدار بهدوء امم شن رايك نمشو المطبخ ونديرو حليب بكركم عشان تقدري تسترخي وتغفي حتي أنا مش جايني نوم ومتأرق.
سمر:-
كيف متأرق وأنا قبل شوي فتت قدام دارك ولقيتك راقد
جهاد:-
صح بس بسبب وحده مزعجة تعرف روحها نوضتني ومش رح نقعد نرقد بالساهل .
سمر:-
أسفه مش قصدي نفيقك
جهاد:-
تمام تعالي انديرلك الحليب اللي قتلك عنه شاطر فيه.
سمر:-
شن فيه من صعب حليب ينحط ع النار يغلي شوي وينحط فيه شوي كركم وسكر.
جهاد:-
طيب جربيه قبل.
سمر:-
قتلك مانبيش أنا مش طفله قدامك ...نبي حبه بس .
جهاد:-
قدمت منها خطوة قتلك مافي حبه ...نبيش نشوفك تقعدي تقتلي ف روحك ونتفرج عليك قربت منها وقعدت نكلم فيها بصوت هادي " سمر عشان خاطري تحملي...عشان خاطري خليني نساعدك مااديري هكي وتستسلمي بالساهل".
سمر:-_
قعدت نسمع لكلامه بتركيز واهتمام وبعدها مديت يدي ليده ومسكتها ومشيت وراه .
جهاد:-
فرحت أنها أستجابت لكلامي دخلت معاها للمطبخ حضرتلها الحليب ودرت طاسه ليا وليها وعطيتهالها شربتها .
احم شن رايك نتفرجو ع فيلم لعند تنعسي وتغفي.
سمر:-
قعدت نفكر بين نرفض ونوافق وبالأخر حسمت أمري ووافقت.
جهاد:-
تمام أستريحي ف الصاله لعند نجيب الفيلم ونجي .
سمر:-
أوك وقعدت نستني فيه .
جهاد:-
دخلت الدار وطلعت السيدهات تبع الأفلام وجيت "شن رايك ف هالفيلم".
سمر:-
جهاد من جدك تحكي تحسابني عيله فيلم "شريك الغول".
جهاد:-
من جد فيلم حلو ويضحك جربي تفرجي عليه بس.
سمر:-
اوك.
جهاد:-
فتحت الفيلم وقعدت بجنبها نتفرج أنا وياها مرت حوالي نصف ساعه لعند بديت حسيت نفسها ينتظم وراسها نزل ع كتفي شفت لقيتها غفيت أستنيت شوي لعند تتعمق ف النوم وفرحت من جواتي وأستغليت الفرصه وتعدلت ع الكنبه وحضنتها ليا وقعدت نتأمل فيها لعند غفيت معاها.
