بايا: أسمك ندى صح؟؟
ندى مهبطة راسها و تحكي : ايه
بايا : مرحبا بيك فلوتال تاعي راح تخدمي هنا فغسيل الملابس
ندى ساكتة و دير غير براسها
بايا : غلطة وحدة برك تكلفك عمر كامل ياك متتهوريش ااا بالمناسبة قالي عمك عندك خالتك احذري تجي ليك و تقوليلها بلي مبيوعة نهدو على راسك و راسها راكي مزال متعرفيش شكون مادام بايا و لي تهدرها تصرا
ندى خافت على روحها و على خالتها و عايلتها و قررت تبع المكتوب وين راح يقيسها هاذ المرة : حاضر مادام
بايا : ريحي اليوم و غدوا ابداي خدمتك روحي مع رئيس الخدم يوريلك غرفتك
ولات لجهة الخدم دلوها على غرفتها ندى : غرف لكل وحدة .. منعرف كيفاه .. دخلت لقات غرفة صغيرة ولا نقولو متسماش غرفة حق فراش و خزانة صغيرة فيها داخل لبسة تاع خرجة وحدة و 2 تاع خدمة وحدة زرقة و وحدة حمرة .. خزرت هاك و هاك مكاين حتى واحد ..تتسأل شكون يشاركها فالغرفة .. مبعد عيات و قررت تريح على الأقل لقات بلاصة تاكل و تشرب و تتمنع مالضرب و وين تبات تدير خدمتها على أكمل وجه و مايبيعوهاش .. هي هكاك غايسة حتى سمعت الباب طلت لقات وحدة دخلت خزرت معاها مليح لقاتها ليلى
ندى : اا نتي هنا واش ديري ؟؟
ليلى : اا غرفتي يظهر لي طحتي معايا
ندى :ااا اوك مليح على الاقل نرتاح
ليلى : انا منخدمش العشية نريحو هنا نحكو شوي
ندى : ايه مذابيا بصح راني جيعانة
ليلى : على 14 يفوتو الماكلة على الخدم
ندى : فهميني على الخدمة
ليلى : صباح على 5 نوضو و كل وحدة تروح ل لائحة لي جاية فنهاية تاع الرواق تاعنا تشوف واش خدمتها مكاش لي خدمتها مركزة على حاجة برك كل نهار و زهرك و بعدها 5 و نص يجوزو الفطور علينا و لازم نخيرو يا اللبسة الزرقة و هي لتاع المأكولات و المطبخ ولا الحمرة يلبسوها الباقي مهما كانت مهمتهم و على 6 لازم كلنا نكونو فمكاننا و أي تأخير تعرفي العقاب
ندى : يعني مكاش لي تمرض مكاش لي متفطنش
ليلى: في حالة مرضت تنوض على 4 و نص تخبر رئيس الخدم باش يدير البدلاء فمكانها
ندى: و نخدمو دايمن ؟؟
ليلى: لالا كل نهار و كل سمانة و زهرك قادر متخدميش و قادر فالدقيقة الأخيرة تدخلي كبديلة . المهم أهم شيئين تحاسب عليهم مادام بايا هوما نظافة اللباس و متغلطيش فاللون تاعك و الوقت
ندى : جيت لعذابي بيدي بصح معليناش واش ندير المكتوب ربي يبقي الستر وخلاص
ليلى: بالمناسبة التيليفون ممنوع الوحيدة لي عندها هي فريال
ندى : بصح علاش واش تكون ؟؟
ليلى: هي ممثلة الخادمات و عاهرة الفندق يعني باعت جسمها بنفسها
ندى : الله يستر
لهاو البناات يحكو حتى لقاوها 8 وقت يجيبو الخدامين الماكلة كلاو ..ريحت ندى شوي و سقساتها
ندى : بصح ليلى كي حنا خدمتنا تبدا على 6 مكاش لي يخدم ليل و لي قبل
6 ليلى : لالا كاين خدامين الليل بصح الرواق تاعنا مشي مع تاعهم و تان ممنوع حنا نخرجو فالليل كلش عندنا فالرواق
. رقدو البنات و ناضو صباح من زهر ندى طاحت فالمطبخ تغسل الماعن مع ليلى .. ناضو لبسو لبستهم الزرقة فطرو و بداو خدمتهم جازو 5 اشهر على ندى فالفندق اعتادت على حياتها الجديدة و كانت تخدم و جامي دارت خطأ و عجبت مادام بايا بزاف مع صغر سنها و بزاف لي عجبتهم و طلبو تبيعلهم بصح مادام بايا مقبلتش لشرط لي حطو عمها بصح بداو يغرو مادام بايا دراهم و قررت تلعب لعبتها
----------------------------------------------
البارت الجاي راح يكون من تأليفي
فوط + كومنت
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
