ندى بتلعثم : اا...ا.ا..اختو !!!
اسراء : ههه وي
ندى بحشمة : اسمحيلي والله ماقصدي
تسرسبت من ثم بالشوي هاربة من التبهديلة اللي دارتها تمشي و تحكي وحدها وتخبط في راسها
ندى : يخاااه عليك يا الحمارة الدابة انا عقلي هز كابتو وهرب مسكين يااااربي ذيك التبهديلة الطفلة اختو وانا من قبيل وانا نرغي وحدي ياااااربي الناس تورث الصوراد والذكاء وانا ورثت غار الغباء اففففف كيفاش ندير ضك اييي حشووومة يااربي واعطيني العقل
بعد ماخرجت وخلاتهم ميتين بالضحك طبعا غار شهيناز واسراء الفريجيدار الباردة خارج نطاق التغطية كي العادة
اسراء : هههههههه مرتك مهبولة حق ربي
شهيناز: واالله غار كثر منك
اسراء : تبانلي مريضة لالا !!
شهيناز :اممم بزاااف .. خلي اتعرفي عليها مليح هي تحكيلك وحدها مبعد
ايهم يحكي :
تبسمت معا اسراء وبستها من راسها هي روحي نخاف عليها من نسمة الهوا هاذا وش بقالي من بابا ويما خرجت من ثم مخليهم ينحيو الشوق من بعضهم كأم وبنتها وتفكير كامل في ذيك البلية المهبولة اللي بلاني بيها ربي ثم ثم نسجت سيناريو من راسها تحلل وتفسر وحدها حسيتها شغل غارت الطفلة تبدل لونها كي شافتني معنق اسراء فقت مع روحي وتخمامي ... لازم نراقب تصرفاي مالازمش نخليها تأثر فيا جيت داخل غرفتي لقيت باب غرفتها مفتوح وقفت في الباب لقيتها عاطيتني بظهر وتهدر وحدها كي المهبولة
ندى : افففف ياا ارض انشقي وابلعيني ضك كيفاش نهز راسي متوالهم سكت شهر فجرت قنبلة في يوم كان لازم عليا نسقسي هاذاك السامط ضك يديها في روحو ويحسبني غايرة عليه
ايهم : والله كنت رايح نقولها نحيتيهالي من فمي
تنفضت مربوثة حلت عينيها على وسعهم دارت ليه لقاتو متكي ع البااب وضام يديه على صدرو
ندى بتلعثم : م...م.م.من.منين دخلت !!!
ايهم : من التاقة
ندى : ماشفتكش كيفاه قدرت تدخل !!!
ايهم : فهميني ضك نتي غبية صح ولا تتغاباي ...... دخلت من الباب
خبطت ندى راسها تلعن في غبائها : اففف ق قصدي وكتا
ايهم : من اللي بديتي تبلبلي حتان لغايرة عليه
ندى : اووو ماتديهاش في روحك بزااف ميش لهاذي الدرجة نغير على واحد سامط بارد كثرمن الفريجيدار كيما نتا
قرب ليها ماشي جيهتها وهي تبعد عليه حتان خبطت في الحيط قرب ليها بقا بيناتهم غار سم يشوف في بحر عينيها شدها من فكها
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
