تجارة شرف ♥باللهجة الجزائرية ♥(مسابقة تكملة الخيال)

البارت الاخيير

فووت + كومنتار قبل ماتبدااو 

سكت ايهم يستوعب ركز مع صوت قلبا وعقلا كان صوتها ناض كي المهبول قشو بكلو دم ما الصالة ولات مجزرة طلع الدروج ربعة ربعة كل همو انو يلقاها من خلعتو مافاقش ببايا اللي كانت واقفة الفوق حاولت تحبسهم مي والو سحبت سلاحها رايحة تصوب على ايهم اللي كان يحوس ع الغرفة شافهاا ادم بلاما يفكر دفعها طاحت من الايطاج الثاني طل عليها كانت ساكنة والدم يسيل من راسها عرفها ماتت

ادم : حيوانات هاذا وش تستاهلو بصح كون ماجيناش مزروبين كون خليناكم تتعفنو تتمناو الموت وماتلقاوهاش

اما عند ايهم كان يفتح الغرف غرفة بغرفة عياطها ثقبلو وذنو وصل للباب الاخر فتحو وقلبو يفيبري في 1000 دخل جمد في بلاصتو من المنظر اللي يشوف فيه كانت ندى متكمشة في الارض محضنة كرشها وتتوجع تناجي في ربها يعتقها من هاذ الالم اللي تحس بيه شافها كانت متبدلة مره ميش هاذي هي ندى اللي شافها اخر مرة مبطبطة وزينة كانت مشيانة لاقصى درجة وجهها كان احمر لي ساغن كانو يعيطو من بعيد مبين تاعبة اما حالتها يعلم بيها غار ربي كانت بوضعية الجنين تخبط في الارض حابة توكلها من السطر هبط عينيه لكرشها اللي كانت خارجة واصلة لفمها شاف فيها وهو مارمش دقيقة مصدوم خايف لايكون اللي في بالو صحيح موش عارف اسكو اللي في كرشها ولدو ولا خاطيه بقا غار يشوف فيها وهي تتعذب متوالو وتتلوا لحق ادم حتى هو تشوكا من هاذاك المنظر كان يبكي الحجر الفرملية ماقدرتش تحكم في روحها وهي تبكي حاطة يدها على فمها اما الطبيبة كانت تعاون فيها بلاك شي تقدر تولدها حتى انهم ضربولها 2 ابر بصح مافادو واالو

ادم :   && &&&& روح وش راك تستنا حاابها تمووووت

فاق ايهم على روحو والموقف اللي فيه راح يجري ليها حط راسها في جحرو اما هي كان العرق يتصبب من جبينها تتنفس بالزربة شافت فيه بعينين يلمعو ميش مصدقة

ندى : اي...ايهم

حط يدو على خدها وحتى هو ماقدرش يحكم روحو منها وطاحو دموعو يكذب عليك اللي يقلك الراجل مايبكيش

ايهم : ندى ياااروحي وش صرا فيك !!!

هزت يدو وحطتها على كرشها شاف مرة فيها ومرة في كرشها اللي بارزة بالرغم من ضعف وصغر جسمها

ندى : ايهم ولادنا ...... ايهم بربي ولادنا ماتخلييهمش يمووتو ايييهم سلككهم ..... ولادنا امانة عندك

كانت تبكي بالشهقة وزاد عليها السطر اللي تحس بيه حتى من ادم بكا على وضع اختو اللي مالحقش يشبع بيها كان حاب يروح يعنقها ويهديها بصح الاولوية لايهم طالما شافو شحال تعذب

ايهم : هاذا ولدي ...!!!ولدي اننااا

ندى : امم اسمحلي خاطرني خبييت عليك اي...ايهم