فجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد
الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث
حينها ؟؟؟ هل سيعيشان حيا...
خرج لاف سربيتة على خصرو ووحدة ينشف بيها شعرو غمضت طول عينيها تمثل انها راقدة راح لادريسينغ لبس قشو وخرج مستيكي روحو لابس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ندى في نفسها : زعما مايكونش هرب من كاش مسلسل تركي!!!
ايهم : ماشي كنتي راقدة هاذا وين !!!!
ندى : اييه نتا مرة اخرج لابس نص لبسة مرة عريان وقلي كنتي راقدة مدام اني هنا تحترمني وتلبس المستور
ايهم بغمزة : يخي راجلك
عدلت ندى روحها في بلاصتها ووجها احمر وماتنكرش انو عجبها الحال من هدرتو
ندى : احمم ايهم ماكش ملاحظ روحك انك زايد فيها شوي .... يعني ماكش ملاحظ انك تبدلت!!! كنت ماتهدرش مره وكي هدرت طيحت القدر طول صراحة ماعجبتنيش شخصية هاذي رجعولي الفريجيدار القديمة هاذيك باردة خير
لقا ايهم بلي صح عندها الحق وهو موش جايب خبر لروحو كان بارد مايهدرش غار في مواضيع مهمة وضك رجع يتغزل ويحكي مسح على وجهو جا خارج حبساتو بهدرتها
ندى : ماتنساش تطفي الضو رايحة نرقد
خبط لابريز طفاها بقلقة وخبط الباب وخرج
ندى : وهاذا مالو يخي ماقلت والو لاحول ولاقوة الا بالله اففف يخي حالة يخي انا نولي نرقد احسن ليا نبقا نشوف في الكآبة في هاذ الغرفة
شعلت الكليماتيزور وغمضت عينيها رقدت
***************************
في بلاصة اخرى
ادم يحكي :
اليامات هاذو وليت نخدم فوق قلبي بعد ماسمعت بلي رجعت تفكيري كامل فيها ندمت بزاف نهار نشعتها علابالي بلي جرحتها بصح لازم ندير هكذا باش تفيق على روحها وتركز على قرايتها اللي هملتها بزاف اضطريت نكذب عليها ونقلها عندي اللي في حياتي باش تنساني وحتى انا ماننكرش اني كنت نحبها وماشي غار نحبها نعشقها شغل انا اللي ربيتها تعلقت بيها حتى هي تعلقت بيا تعودت عليها في حياتي نهار اللي جات صارحتني بلي تحبني فرحت من داخلي بصح كانت مزالها صغيرة وفي نفس الوقت هي اخت صاحبي وعشيري هو مدايرني كيما خوه وانا نحط عيني على اختو!! بصح ماكنتش حاط بلي هدرتي رايحة تكلفني ثمن غالي ماكانش علابالي بلي راح تكلفني عقوبة اعدام بالنسبة ليا مانتش حاسبها راح تروح ...بعيد عليها 4 سنين ....4سنين ماشفتهاش وماسمعتش صوتها بصح كي قالي ايهم رجعت فرحت وفرحت بزاف ثاني تكون كبرت ضك ولات مرا السنة تفوت باك متوحشها بزاف وحاب نشوفها ونتمنى انها مايكونش عندها اللي في حياتها ساعتها راح نتدمر صح قاطعني من تخمامي ايهم كي دخل وحتى مافقتلوش كي دخل حتان هدر
