فوط + كومنت
فاتو يمات يوم يجيب يوم واسبوع يجيب اسبوع ولاو شهور فاتو عليهم حلو ومرة في هاذ الوقت والفو ندى بزااف هي وهبالها وهي والفت الليسي تاعها وبقا شهر ع الباك وهي متحمستلو وايهم تعلق بيها وتأثر من جيهتها بدا يحس بشعور من جيهتها رجع يخاف عليها يغير... رحتى هي مكانتش اقل منو حتى هي كانت تحس بشعور من ناحيتو بصح ولا واحد فيهم قدر يعرف وش هاذا اللي راه يحس بيه ولا يعترف للطرف الاخر اما شهيناز فكانت فرحتها ماتتوصفش كي تأقلمو مع بعض واستبعدت فكرة الطلاق من بالها بيسك نظراتهم كانو فاضحينهم في زوج... اسراء من نهار الحفلة كي تلاقات بادم مازادتش تلاقاتو ولا شافاتو ورجعت ندى هي روحها كيما اختها بالضبط ولا اكثر
كانت قاعدة حاطة يدها على خدها وتشوف في سباط الاستاذة تاع العلوم تايهة تنفضت على صوت الاستاذة اللي كانت تناديلها
الاستاذة : هزي قشك وبرا
ندى : شنهي!!! لاااه !!! وشمن سبة اليوم ان شاء الله
حطت الاستاذة الاقلام من يدها ومشات جيهتها عم الهدوء في ذيك الدقيقة علابالهم راح تصرا حاجة بيناتهم طول هاذا العام وهوما متشاحنين
الاستاذة : طول هاذ اليامات ماكيش مركزة معايا
ندى : من نيتك!!! هاذا سبب مقنع باش تزعكيني!! ضك نتي وش جاك عليا ضالي جايبتها ورايا تقول ضرتك
الاستاذة : قليلة ادب هزي قشك وبرا عليا مانزيدش نقبلك في حصتي.... وراه عندك تقرير وانذارفي السلوك باش يكون في علمك ويلا جبتي الباك هاهو وجهي
هزت ندى حوايجها بكل برود وناضت
ندى : حتى انا مانيش حابة نقعد نقابل وجهك زوج سوايع كاملين ونحب نقلك الباك نجيبو وعينيك مشركين ان شاء الله والتقارير يلاحبيتي ماتشقيش روحك ضك نروح نجيبلك 3 اما بالنسبة لقلة الادب فأنا متربية ومايليقش نرد عليك بأسلوبك خاطرني متربية مافهمتش علاش ملي بدينا نقراو ونتي جايبتها ورايا كل مرة تلقايلي سبة تافهة وتزعكيني وبلا النقاط اللي تحقريني فيهم وتنقصيلي من علامتي
اسراء : عيب عليك ا استاذة جامي قاساتك ندى في حاجة وكلنا شاهدين واذا راحت انا ثاني رايحة ودرسك شمخيه واشربي ماه
حتى هي هزت اداواتها وخرجت هي وندى مخليين الاستاذة تغلي خرجو من الادارة ماشيين
اسراء : وين نروحو ضك ايهم مايعرفش كيفاش نديرو !!!!
ندى بفرحة : نروحو ندووورو ندووورو للبارك كي يوصل وقت اللي نخرجو فيه نرجعو كلي ماصرا والو
حطت اسراء يدها على خصرها : ايه ويا لالا والتبرير كيفاه !!!
ندى : هههه شوية كلام معسل للمراقب برك
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Nonfiksiفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
