اصبحنا واصبح الملك لله
حلت عينيها على شعور لمسات استحلاتهم بزااف قابلها يتبسم ويمسح على خدها بحنية طبع بوسة مرصوصة على جبينها
ايهم : صباح الخير سنفورة
ندى : شنهي سنفورة هاذا مانييش قصيرة ا عبد ربي نتا اللي شجرة بسلامتك
قرسها من نيفها وهو يتبسم دخلو عليهم لقاوهم في هاذيك الجاست نترت ندى من حضنو نايضة شاف ادم كي كان داخل لاحلها الخيمار على راسها هبط ادم راسو
فريدة : على سلامتك مرة اخرى وليدي
ايهم : يسلمك
شهيناز : هيا بنتي نخرجو تريحي في الدار خير
هزتلها ندى راسها بايه جات اسراء عاونتها عدلتها خيمارها وخرجو قعد غار ايهم وادم قعد ادم متوالو بالزربة
ادم : مالقيتهمش منعرف شكون اللي هاجمك نظن ماشي من العصابات اللي نعرفوهم
ايهم : اممم كانو ملثمين ماعرفتش كيفاش خرجو ولا وكتا عطلو الفرانات
ادم : ماشفت حتى وشم ولا
ايهم : نن نظن هاذا تحذير برك خاطر كون جاو حابين يقتلوني كون ماراحوش حتان قتلوني
ادم : سترك ربي مزية سوطيت قبل ماتروح الطومبيلوعلااااه ماديتش لي قاارد كور معاك
ايهم وهو يلبس في الفاست بالسيف : خلينا منهم ضك فاتت بصح نجبدهم ماتخافش
ادم : الجنرال قالك شدد الحماية
هزلو ايهم راسو بايه مشا ادم عاونو وخرجو لقاوهم ديجا ركبو في الطومبيل ركبو وديماراو وسيارة الحماية معاهم
-----------------------------------------------
في بلاصة اخرى
قاعدة فوق الكرسي مقابلتهم متوترة تقول قاعدة ع الشوك
منال : كييفاااش تدير هكذا!!! حنا ماتفاهمناش هكذا من اللول حطيت شرطي وقتلك ماتتقاس منو حتى شعرة
**** : كان لازم عليا ندير هكذا باش نبعدو من طريقي ونبعدو عليها
منال : بالعكس درت شي يخدمهم وهي تحببووو
**** : مايهمنيش طبقي الشروط بفم ساكت صينو نبيعك لمونسيل ونتي تعرفي اسلوبو ونقتل يماك
منال : صاي صاي فهمممت ديرو اللي تحبو ماعاد يهمني حتى واحد اذا حبيت تقتلو ولا تقتلها كيما تحبو
**** : تعجبيني كي تفهمي..... وضك ماذا بيك تبداي تنفذي في الخطة اللي متفاهمين عليها
منال : متأكد بلي تكشف نفسك ليه !!! راح يضرك نتا وهي ويجبدك وتفتحلو الطريق اللي توصلو ليك
****: مايهمش اصلا مايقدرش يوصلني الحماية مكثفة وهو مايعرفنيش بعد مابدلت لقبي مستحيل يوصلني
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
