من الصدمة طاح التيليفون من يدها حطت يدها على قلبها طاحو دموع من عينيها ميش مصدقة اللي تسمع فيه حطت يدها على فمها تبكي بصوت عالي طاحت في الارض منهارة كانت عارفة انو صارية حاجة وقلبها موش مطمنها تبكي وتشهق بقوة صوتها وصل لمسامع اسراء راحت ليها تجري خالعة من حالتها كانت تبكي بهستيرية حضنتها تربت على شعرها
اسراء : اشششش وش صراا !!! خير
ندى ببكاء : اهئ اهئ ا...ايهم ايهم
اسراء بخوف : وشبيه ايهم!!!!
ندى : ايهم يا اسراء ايهههم
ناضت من بلاصتها تجري راحت لغرفتها ولات كي المهبولة قلبها وااجعها عليه قلبها يتعصر خاايفة علييه بزاف خايفة يضيع من بين يديها حتى اسراء ماكانتش اقل منها تملك الخوف قلبها حالة ندى خوفتها وخافت على خوها تبعتها تجري مدايرين حس كبير خلى اللي في الدار كاامل يفيقو اما ندى كانت تلبس في قشها وتبكي وترجف
اسراء : ندددى احكي وشبيه ايهههم!!!!
ندى ببكاء : دار اكسيدون وهو ضك في الاوبيراسيون
حطت اسراء يدها على فمها من الصدمة رجعت حتى هي تبكي ناضت الحالة ثم بالغواث كامل يبكيو ويعيطو مافاقوش بندى كيفاه خرجت تمشي كيما المختل قالت للشيفور يوصلها وهي حالتها حالة عينيها تنفخو من البكا وصلت لثم لقات اللي في الاستقبال من الخوف ماعرفتش حتى تسقسيها
ندى : تعيشي جابو واحد دار اكسيدون او في الاوبيراسيون
الموضفة : شوفي الطابق الخامس الغرفة اللي على اليمين
لحقتها العايلة كااملة اللي وصلهم ادم وقفت متوال الاوبيراسيون وكامل يبكو يستنو في الطبيب بصح ميش قدها هي دارت حالة بالبكا عينيها تورمو رجع لونهم احمر انهارت تاع الصح شهيناز تهدي فيها وادم مع اسراء وفريدة طاحلها السكر وحتى ليندة وجعها قلبها عليه مهما كان يبقا ولد خوها ناضت ندى تجري كي شافت الطبيب خرج راحت هي الاولى
ندى : كيفاه راه ؟؟ ياك لباس
الطبيب بحزن : حنا درنا اللي علينا انا لله وانا اليه راجعون
الخبر طاح عليهم كي الصاعقة مايتسمع غار صوت البكا اما ندى فكانت في حالة صدمة تاع الصح تشوف فيهم بلاما ترمش واحد ماكان متولهلها كل حد لاتي مع عمرو يبكي رجعت خطوات لاور ميش مصدقة اللي سمعتو ضك
ندى : تكذب ياااك ههههه تتمسخر لالا !!! مكانش منها هاذي خدعة هو ماماتش
شاف فيها الطبيب بحسرة : ضك نخرجولكم المريض تشوفوه
ندى : هههههههههه مستحيييل يككككذب والله راهو يتمسخر هههههههه هو ماماتش
دارو ليها كانت حالتها تبكي الحجر كانت هي اكبر واحد تأثر حتى اكثر من ختو راحت ليها شهيناز تهدي فيها
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
