يا معشر الاناااااث وجيش البنات والقرااااء تفاااااااااااعلو
ندى : اممممم تاع الصح يعني صدمتني بهدرتها
ايهم : ندى ماتديريش عليهم وماتهدريش معاهم
هزتلو راسها بايه مشا ليها هو وحضن وجهها بيديه
ايهم : ندى زعما يكونو عندنا صغار !!!
هبطت راسها حشمانة رجع طلعولها
ايهم : معندكش مشكل يعني!!!
دارتلو براسها لالا : زعما شكون يكون عندو مشكل بزااف حابيين يكونو عندهم صغار ودفعو مال الدنيا على جال هاذي اللحظة وانا نتكبر عليها
ضحك لين ضرسة العقل بانت باسها من راسها وعنقها وهي تتبسم ثاني كانت كي الحلم بالنسبة ليها هو كان فارس الاحلام تاعها اللي خرجها من الظلمة وكوابيس الماضي حضنها من كتفها وخرجو من لادريسينغ
************************
في الليل بعد ماتعشاو وفرزو الحالة خرج ايهم مع ادم برا يبدلو شوي جو بينما قلوبهم في زوج طلعو للسطح وطلعو معاهم باش يسهرو وبقاو يتفرجو في النجوم ويشايخو
اسراء : ندى خوذي حذرك من هاذيك العقرب تاع منال راهي راكحة بزاف هاذ الوقت باين كشما راهي مدايرة في راسها
ندى : كلببة هاذيك ايماجيني قبيل وش دارت
اسراء باهتمام وهي تقشر في الزريعة : خير شنهي وش دارت الحلوفة
منال : هااااي جيت في الوقت المناسب بصح يابنت الخال معجبنيش اللفظ تاعك اللخر بصح معليش علاابلي تكرهيني
قلبت اسراء عينيها وتأففت اما ندى مادارت حتى رد فعل كانت راح تردلها الهدرة مبعد سكتت
تربعت منال متوالهم وهوما مازادو حتى حرف سماطتلهم القعدة كي جات هي
منال : يضهرلي غير مرحب بيا مفهمتش لاه تكرهوني
سكبت كاس جو ليها رايحة تشربو ناضت تعيط ودفقاتو على ندى كاامل ناضت ندى مربوثة مشمخة شهقت بقوة تالمون كان بارد ولا تقطر
منال : اييي ديزولي قستك شفت فيه ذبانة
قحرتلها ندى يمكن كون جاو نظراتها رصاص كون راهي ماتت عرفتها دارتها بالعاني لا ذبانة لا والو
ندى : رخيييسة
مشات وهي تتغزل اما منال تبسمت شطر تبسيمة شافتها اسراء
اسراء : كللبة علابالي درتيها بالعاني يا العقرب
منال : ميش رايحة ندير على هدرتك ونحسب روحي ماسمعتهاش روحي الحقي مرت خوك شوفيها
ضحكت بعهر ومشات تتمايل شافت فيها اسراء باشمئزاز لمت الدوزان اللي ثم وهبطت ترقد خاطر راح الحال
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Nonfiksiفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
