ايهم : وش راكي تديري!!!!
ندى بتوتر : هه هه اا اكنت نغسل في يديا برك
شاف فيها وفي توترها هبط عينيه للبستها استغرب منها عرفو بلي تريكوه تصرفاتها كانت غريبة وجهها كان اصفر وعينيها ذابلين شاف البخار كي كان يطلع من وراها مشا جيهتها وهي قلبها ولا يفيبري مالقات كيفاه تدير بعدها ع لافابو وشاف وش فيه فهم سبب ارتباكها وتوترها ووجه نظرو ليها كانت مغمضة عينيها ووجهها طلع احمر من الحشمة قريب تبكي مهبطة راسها للارض
ايهم : ندى يلا عدتي ماشي مليحة روحي ترقدي
دارتلو براسها لالا هزت يدها ورجعت شعرها ورا وذنها وبالصدفة لمح يدها اللي كانت حمرة زاد شاف في لافابو والبخار اللي خااارج منو غلق العين وراح ليها وحكملها يديها في زوج كانو في زوج حومر
ايهم بالعياط : وشبيه **** مهبووولة !!!
ندى : ايهم اسمحلي والله ماكان قصدي نوسخولك
ايهم : ر**** **ر******* ي*** وشبيييك نتي انا وين ونتي وين راني نحوس عليك نتي ..... لاه رايحة تغسلي بالما السخون شوفي يديك كيفاه تحرقو
ندى : مافقتش لروحي
ايهم : كيفاااش مافقتيش لروحك صغيييرة !!! كنت طيشيه ديراكت
تنهد ومسكها من يدها كركرها وراه قعدها في سريرو راح جاب بوماد ودارلها في يديها
ندى : صحيت
ناضت رايحة عاود قعدها وكسلها فوق السرير
ايهم : اقعدي ضك نقول لاسراء تجيبلك تيزانة بلاك يخف عليك الوجع شوي
هبطت راسها من الحشمة تمنات كون انشقت الارض وبلعتها وهو فاق بيها
ايهم : ندى هاذي ماشي حاجة تحشمي منها ولا ... حاجة عادي ومن عند ربي وجميع الاناث في كل المخلوقات عندهم ماشي غار نتي
هزتلو راسها بايه وهو خرج مخليها على راحتها اما هي مكانش عندها حتى الوقت تخمم في حشمتها ولا خاطر السطر كان قاتلها شوية وجات اسراء هازة سنيوة في يدها حطتها قدامها وقعدت متوالها
اسراء : ندى اكي مليحة !!! وشبيك جا ليا ايهم قالي طيبيلها تيزانة
ندى وهي تهز في الكاس بتعب : مابيا والو العادة برك هكا تجيني يابنتي وحد التبهديلة حمممرة جا لقاني نغسل في ليزار
اسراء : ههههه عادي ياك راجلك
تخنزرت فيها ندى وكملت تشرب في كاسها حتان خلصاتو ورجعت تسطحت
ندى : اسراء عيشك كشما عندك كاشي جيبلي خاطر علابالي والله ماتحبس تاعي خلاص الحبة الاخرة كليتها موالفة نوكل 3 في يوم
اسراء بخبث : ماتخمميش ضك تزوجو تولي تجيك بلا وجع
خبطتها ندى برجلها واسراء تضحك عليها
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Não Ficçãoفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
