تفااااااعللللو
في الصباح :
ناض بقا يتأمل فيها وقت باسها من راسها وبعدها عليه ناض دار روتينو لبس قشو (الصورة ) وخرج كي العادة كي تفيق متلقاهش حتى انو خرج بلاما يفطر دخل للبيرو تاعو لقا ادم ثم صبح عليه وقعد في الكرسي تاعو
ايهم : وش كاين !!!
رمالو ادم الدوسي فوق البيرو هزو ايهم وحلو يقرا فيه بتدقيق كبييير بعد مدة غلقو وشاف في ادم وشبك يديه
ايهم : يعني احمد وبايا يخدممو معاه وهو متورط مع المافيا
هزلو ادم راسو بمعنى ايه
ايهم : مليح ومكانو ماعرفتوش!!!
ادم : المعلومات سرية ومشفرة هاذا وش لقيت نحاول نجبدلك اكثر
ايهم : اوكي
ادم : مبروك على ندى واسراء
هزلو ايهم راسو بايه استغرب منو ادم
ادم : ماتقولليش مزلت ماتهدرش معاها و .......
ايهم : ايه وضك طير شوف شغلك
تنهد ادم وخرج مخليه يعوم في بحر الافكار اللي هاجمتو وبزاف احتمالات يعصفو بعقلو
----------------------------------------
في بلاصة اخرى
غلقت الباب بالمفتاح ومشات للبالكون تحكي في التيليفون
منال : الفيديو واجد ديت فيه وقت بزاااف ضك نبعثولك وشوفو اسكو مليح ولا نن
**** : ابعثيه ضك
منال : اوكي دقيقة
بعدت التيليفون على وذنيها بعثتلو الفيديو ورجعت هدرت معاه وكوبات تستنا مكالمتو شافت في ندى اللي كانت متربعة فوق الحشيش في الجاردان وتوكل في النوتيلا تبسمت بشر وهي تتوعد حتان صونا تيليفونها مرة اخرى هزت ديراكت
*** : ايواا مليح ضك ابعثيهلو هو
منال : متأكد!!! كون يلقاك مراحش يرحمك
*** : ديري اللي قتلك عليه بفم ساكت
منال : بصح وش الهدف من هاذا كاامل
**** : انهم يكرهو بعض ساعتها ندى راح تخرج من عرينو ونقدر نديها بلا اي مشاكل
منال : دبر راسك انا ماعليا غار ننفذ ضك نبعثلو بار ايمايل
انهات المكالمة وبعثت فيديو تبسمت بخبث
------------------------------------
ايهم يحكي :
كنت في البيرو تاعي في الشركة كي العادة نخدم للصفقات الجايين حتان وصلني ايمايل دخلت ليه في بالي تاع خدمة لقيتو فيديو ماشي دوسي وكان ايمايل بريفي من شخص مجهول دخلت ليه وزدتلو للصون تبعتو دقيقة بدقيقة وثانية وبثانية عقلي مزال ميش مستوعب عاودتو شحال من مرة ميش مصدق كانت ندى مع اللي اسمو نذير يهدرو عاودتو للمرة الاخيرة ومركز سمعي وبصري معاه
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
