يا معشر الاناث تفاااعلو
بنات هاذا وين تولهت كنت مكررة الحدث هاذا في البارت اللي قبل ساو راني حذفت هاذك الجزء عليها جا البارت 4 قصير
قاعد في الصالون حاط رجل فوق رجل يترشف من قهوتو الكحلة والمرة كي العادة بما انو اليوم عطلة عينيه مفيكسيين ومثبتين في الجوررنان تبسم شطر تبسيمة كي لمحها خارجة
****: وين بيها الالة ؟؟؟
هزت راسها ليه مستغربة تشوف فيه بتساؤل و كانت لابسة تريكو طويل نوار عكس لون بشرتها بينلها بيوضة جسمها وحفيانة كان منظرها بزاف مغري وكيوت هزت حاجبها ومشات باتجاهو
**:شكون نتا ؟؟ وانا وين ؟؟
ترشف من قهوتو وشاف فيها ببرود : انا ايهم الادريسي ونتي راكي في داري
***: وش جابني لهنا ؟؟
ايهم ببرود : روحي ريحي مزالك مريضة مبعد نهدرو ميش وقتو ضك ندى
ضمت يديها تحت صدرها وتشوف فيه : منين تعرف اسمي ؟ منين تعرفني انا جامي تلاقيتك!!!
ايهم : في رايك انا نجيب اي واحد من الشارع ونحطو في داري بلاما نعرف عليه حاجة
ندى :او لاه شفتني طلابة ولا قزانة حتى تجيبني من الشارع ؟؟
ايهم ببرود : لسانك !!!
ندى بالعياط : خبرني وش جااابني هنا انا مانعرفكش حطت يديها على راسها : فهمنييي حاسة بفراااغ كبيير في راسي
ايهم تنرفز كي عادت تعيط وهو جامي عيط عليه واحد ناض من بلاصتو ووقف مقابلها حكمها من فكها : صوتك مايعلااش عليا فهمتي ؟؟؟؟
دزاتو وبعدت عليه : بعدني بعدني انا مانقعدش مع مهبول كيفك ضك نخرج وحدي ونحوس على الحقيقة وحدي ولا مزيتك هاذي
دارت مشات خارجة يبست في بلاصتها فقدت الاحساس في ذيك الدقيقة من هدرتو
ايهم : وين رايحة !!! بلاااصتك.... ماشي مرت ايهم الادريسي اللي تخرج برا في الليل متوال الرجال بربع لبسة
ندى تحكي
حسيت رجليا فشلو صاي ماعادوش يحملوني راسي يوجع بطريقة رهيبة ماني فاهمة والو نضت لقيت روحي في دار راجل مانعرفوش ويقول انا مرتو !!!!مهبول هاذا ولا وشبيه انا مزلت صغيرة بنت البارح درت ليه نحكي
ندى : راك صحيح في مخك ؟ ياك سافا ؟؟ ام يسمعو وذنيك وش راه يخرج من فمك !!!
قدم ليا وانا قلبي يخبط وتفلفجت وقف فوق راسي كي البوطو شفت فيه هاذا وين تمعنت في ملامحو ملييح... بقووص يهببل... بزااف شباب البارفان تاعو دوختني تهت في ملامح وجهو مبعد فقت مع روحي وش راني نخمم والموقف اللي راني فيه بعدت عليه خطوات
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
