يا البنااات تفااعلو بركاوكم من السماطة
خرج عيط لادم تفاهمو يتلاقاو متوال البحر في الوقت الحالي ميش قادر يكتم داخل قلبو ولازمو يفرغ ماهو صاحبو علابالو بكل تفصيلة صغيرة وكبيرة عليه صحاب كي الخاوة صح ماولدتهمش نفس الام بصح الدنيا جمعتهم في بزااف مواقع طول الطريق وهو شارد ويخمم مزالو لضك منرفز لضك مزال مابردش غشو حالف يندمها ويعذبها بصح الظاهر قلبو هو اللي راه يتعذب وصل لقا ادم قاعد فوق الكابو تاع الطومبيل ويشرب في القهوة تنهد وهبط وطلع معاه
ادم : خير لاه عيطتلي صوتك مكانش مطمني
ايهم : ضربت ندى
بزق ادم القهوة اللي كان يشرب فيها ودار يشوف فيه اما ايهم فكان يشوف ببرود
ادم : انعععم!!! وش دررت!!!
ايهم:كيما سمعت هاذ المرة ميش رايح نتراجع هي طعنتني في ظهري ولازم تخلصها
ادم : ايهم علابالك الشي اللي راك تدير فيه بزااف غالط
ايهم : طول هاذ السنين عايش بالانتقام كي وصلت لقمو نتراجع لالا مستحييل نعاقبها هي ملييح وندمها كون ماندمرهاش بهي بعمها مانتسماش
ادم :علابالك راح تندم مبعد بزااف ندى مستحييل تديرها
ايهم :ونتا وين تعرفها حتان علابالك بلي تديرها ولا نن انا نعرفها وحبيتها وخدعتني مالا نتا ثاني ماتتخدعش بمظهرها البريئ
ادم : دبر راسك يا ايهم انا ماعندي حتى حق باش ندخل بيناتكم بصح خاف لا تكون ظالمها مبعد ميش راح يلين قلبها وترجعلك
ايهم: انا بعد اليوم مانترااجعت الشي اللي عايش علاجالو اصلا كل نتفكر ذيك القصة نحقد عليها وكلما نتفكر الفيديو نكرهها اكثر واكثر
شاف فيه ادم بحزن من الجيهتين في زوج مضلومين في زوج راحو ضحايا وهو متأكد انو هاذي لعبة ولازمو يبحث عليها
بقا ايهم شارد في البحر يشكيلو في همومو بصمت قلبو مجروح من جيهتها وإسواد عليها رجع يكرهها كره اعمى خيانتها ليه مزالت تنهش في قلبو والشيطان صايي تمكن منو ولعبلو بعقلو
____________________________________
في الفيلا
طلعت اسراء لعند ندى تقسر معاها واالفتها بزاااف تعتبرها كيما اختها وأكثر شافت منال اللي كانت متوال الباب وكي شافتها بدلت الطريق راجعة لغرفتها متأكدة انها تنسج في حاجة طردت الافكار من راسها وهي هازة بوات النوتيلا في يديها علابالها بندى شحال تحبو ضحكت وفتحت الباب خبطاتو على طولو بنفس الطريقة اللي موالفة بيها تزدم عليها كيما الارهابي تمحات هاذيك التبسيمة تدريجيا كس شافتها مرمية
رمات الباطة تاع النوتيلا وراحت تجري ليها هبطت لمستواها حطت راسها في جحرها وتخبط فيها بكفوف بلاك تفيق كانت حالتها حاالة رجعت تبكي وتعيط لشهيناز اللي جات مخلوعة تلمو كامل على صوت عياطها شهقت شهيناز من منظرها وهبطت ليها تبكي تفيق فيها
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Nonfiksiفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
