البنات تفااااعلووو
فوت + كومنتار
كانو راقدين في امان الله وحدة في الارض كي العادة ولوخرا متبطحة فوق السرير دخلت شهيناز حلت البورت بالكون دخل الضو غطات ندى راسها بالغطا اما اسراء دارت للجيهة لوخرا حتان لقاو روحهم غارقييين بالما ناضو في زوج مفزوعين
اسراء :اسم اللهرحمان الرحيم
شافت ندى فيهم بعينين مغمضين ورجعت لبلاصتها تكمل رقادها نوضتها شهيناز
شهيناز : نووضي يا الدبة نووضي
ندى :هفففف يخي اليوم الجمعة
اسراء :شحال راهي الساعة
شهيناز 7.30 هيا اغسلو وجوهكم واهبطو عندنا بزاااف شغل
ندى واسراء في نفس الوقت :وااااشنوووووو!!!!!
شهيناز :وش الالة ماعجبكش الحال دار راجلك راهم جايين وعجوزتك خلاص كملي كملي ارقدي ضك نقلها تجي تشوفك هكذا متأكدة تبطل وتطلققك
ناضت اسراء تجري راحت لغرفتها وندى ناضت بالسيف راحت دوشت لبست بيجامة وهبطت لقات رفيدة تنظف في الفيلا واسراء في الكوزينة مع شاهيناز يطيبو في القاطو راحت ندى قعدت في الطابلة تفطر بعقلها حطتلها شهيناز الجو شرباتو على ضربة
شهيناز : ندى روحي نوضي ايهم
هزتلها ندى راسها بايه ومشات غمزت اسراء شهيناز .... دقدقت الباب ودخلت لقاتو ينشف في شعرو والكليماتيزور شاعلة جرات طفاتها وقابلاتو
ندى : وشبيك نتا تحوس تمرض !!!!
شافت ندى فيه وفي منظرو كان بزااف مغري قطرات الما يهبطو من شعرو وهو ينشف فيه ماقدرتش تحكم في روحها قربت ليه بلا وعي نحاتلو الفوطة من يدو وسحباتو من يدو لجيهة السرير وطلعت هي وهو بقا واقف حاير في الجاست تاعها موش موالف بهاذ الاهتمام من طرفها نشفتلو شعرو وش عجبها خربشتلو في شعرو
ندى : ايهم شعرررك يهببببل
جبدها ايهم من يدها هبطت طلعت راسها ليه تشوف فيه
ندى : ضك فهمني اسكو نتا اللي طوييل كيما البوطو ولا انا اللي قصيرة رقبتي نصلت وانا مطلعتها
ضحك ايهم على هدرتها ودور وجهو : والله غار نتي اللي بينازة ساعات نحسب انك جاية من ميكي تاع السنافر
حكمتلو يدو واكتيفات مود القطة ماسمعتش كلامو بيسك كانت في عالم اوخر
ندى بعينين ذابلين : ايهم عااااودها عيشك بليييز اضحك المرة الاخرة نشوف ليفوسات برك
ايهم : حتى نتي عندك لي فوسات
حطت ندى يديها على خدو وهي تحللل فيه : اها تاوعك شابين بزاااف اتخيل ولادنا يجيو يشبهولك وااو
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Nonfiksiفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
