تجارة شرف ♥باللهجة الجزائرية ♥(مسابقة تكملة الخيال)

البارت43

عند ايهم

كان متشوكي من عملتها دار يشوف وراه لقا هاذاك الراجل مكانش مافهم والو كان رايح يلحقها خاطر مكانتش مليحة حتى انو لاحظ وجهها اللي كان اصفر عفس على الاوراق طابس يهزهم فتحهم وقرا الشي اللي كان فيهم كانو اوراق الطلاق وموقعين من عندها يعني هي حبت تنهي كلشي بيناتهم وتخلات عليه ببساطة هو كان رايح يدير البوسيبل تاعو باش يرجعها ويخليها تسامحو شاف في الاوراق مدة مبعد قطعهم كسر البيرو كيما راه من العصب هو يحبها ويعشقها موش حاب ينهي العلاقة بيناتهم بقا ثم على هاذيك الحالة في البيرو تاعو حاط يديه على راسو يخمم حتى انو منع السكرتيرة تدخل عندو قتلو راسو من التخمام لدرجة ماحسش بالوقت كيفاش فات وطاح الليل زدم ليه ادم مخلوع

ادم : ايهم وين راهي ندى

ايهم : كيفاه وين راهي ندى!!! وانا وين علابلي يخي اي عندكم

ادم : معلاباليش عيطت يما قاتلي ندى مارجعتش ملي راحت لعند ايهم الصباح

ناض ايهم مخلوع طاح الكرسي في الارض

ايهم بالعياط : كييفاااااه معلابلكش يا**** كيفاااه هي خرجت من الصباح حتى مابقاتش 5 دقايق في البيرو كيفاه مارجعتش وين رايحة تروح

ادم بالعياط : يا***** معلاااباليييش

ايهم : اصبر نعيط لخالتي ولا اسراء بلاك اي ثم

ادم : مكااانش يا**** مكاااانش عيطت قالو ماشفناهاش

مسح ايهم على وجهو خايف عليها بزااف زعما وين ممكن تروح اما ادم كان يخمم لا تكون هربت كيما قالت

ادم : كون تكون هربت

ايهم باستغراب : كيفاه تهرب!! ولاه تهرب زعما!!!

تفكر ادم  وعدو لندى كان حاب يخبرو انو راح يولي اب بصح هو وعدها ومستحيل يخلف بوعدو

ادم بتوتر : منعرف هكذا جا في بالي

ايهم بتحذير : اقسم برربي يا ادم ونلقاك تحفر ورايا ومخبي حاجة ندفنك في بلاصتك

ادم : من نيتك!!وش نخبي عليك زعما ومن وكتا انا نخبي عليك ولا نحفر وراك

ايهم : منعرف نشوفو اخرتها يا السي ادم راني حافظك خيرمن اسمي ..... اصبر نشوفو الكاميرات كيما خرجت

راحو في زوج يجريو كي المهابل الاول يجري علاجال مرتو اللي طاح قلبو عليها والثاني على اختو اللي ما زال حتى ماشبعش منها خايف كشما يكون صرالها ولا تهرب صح شافو الكاميرات تاع الداخل

ادم : شوف كانت مخلوعة وتشوف وراها باين شي شكون كان يلحق فيها

ايهم : كي دخلت للبيرو تخطف لونها تشور للراجل وتقلي هوهو احمد