تجارة شرف ♥باللهجة الجزائرية ♥(مسابقة تكملة الخيال)

البارت 22

في بلاصة اخرى

تمشي وراه وهو يكركر فيها وهي تعيط وتشكي ماحبتش تسكت وهو متجاهلها ماهدر حتى كلمة حتان وصلو لشط البحر وكان الليل والنسمة تهب نترت يدها منو بالسيف

اسراء: بغل كلب حمااار حيوااان  وش حاسب رووحك جايبني لهنا من قبيل وانا نرغي نهدر ونتا ولا على بالك تحوس يقتلك ايهم كون راهو هابل ضكا

ادم : هدي روحك مايهبل ماوالو ديتك برضايتو هو

اسراء: تتمسخر بيا اكذب كذبة اخرى وضك اني راجعة باااي وماتزيدش تدنا ليا خويا ادم (لزت على كلمة خويا)

جات دايرة ردها ليه : مابقيتش خوك ضك راني راجلك

بعدت عليه وهي تضحك:هههه ايه بربي ان شاء الله احلم على روحك

حط يدو على خدها ويشوف في عينيها

ادم : اسراء حبيت نڨلك انا نادم على هاذاك النهار انا قتلك هكذاك خاطر كنت مجبور غار علاجال مصلحتك درت هاذا الشي علاجالك خاطر شفتك هملتي قراايتك وضيعتيها وتعلقتي بيا بزااف وكانت هاذيك هي الطريقة باش نبعد عليا وتركزي على قرايتك كنتي صغيرة في ذيك السع حبيتك تكبري وتعرفي معنى الحب صدقيني غار هااذ ملي رحتي وهو يتكوا عليك (حط يدها على قلبو اللي كان يدير في السباق)

اسراء:ههههه ماشي قتلي عندي وحدة في حياتي وطني طنا وانا نعتبرك كيما اختى ومانقدرش نخون عشيري علابالك هاذو الكلمات

كلما نتفكرهم نحقد عليك ونعرف بلي انا غلطت غلطة كبييرة كي حبيتك

ادم : نن ماهدرتهاش من قلبي وماكانت عندي حتى وحدة في حياتي قلبي دق غار ليك نتي حتى انا كنت متعلق بيك وعايش بيك كل ادمنت اني كل يوم نشوفك ونحكي معاك اسراء انا كنت نحبك ومزلت نحبك ونعشقك

هاذو الكلمات كانو كفيلين انهم يلعبو على قلب اسراء ويخليوها ترجع على قرارها شافت فيه بعينين يلمعو بالدموع ومع ضو القمر زادت فيهم لمعة خاصة دورت يديها على رقبتو وشافت في عينيه بثبات وطرطقت بالبكا

اسراء😭😭: ادم حتى انا نحبك والله ملي رحت وانا نخمم فيك بعقلي وقلبي ماقدرتش نعيش هاذوك السنين بلا بيك وكان اكبر مخاوفي انك تكون تزوجت ودرت دار عندك ولاد

ضحك بالصوت خلاها حتى هي تتبسم وسط دموعها وقبل ماتستوعب دور يدو على خصرها وطلعها ليه و هجم على شفافها يبوس فيها بحنية ينحي في الشوق وحتى هي ماكانتش من المعارضين وبادلاتو

بعد عليها كي حس بالهوا انقطع عليهم في زوج بعدت عليه مهبطة راسها وخدودها رايحين يطرقشو من الحشمة مبعد باش فاقت مع روحها ووش راهي تدير