بعد ماراح ايهم كان الصمت سيد الموقف كان نظر ادم موجه لاسراء وهي كانت تشوف في الحاضرين والحفل تشتت في انتباهها عليه علاباالها راهو يشوف فيهم اما ندى فمكانتش معاهم كانت في عالم اوخر تايهة تخمم كلمة وحدة هدت هاذيك القوة اللي بناتها من قبل
ندى : ضك نجي نروح للسانتيار ونرجع
اسراء : نجي معاك !!! ندى احكي وشبيك !!! اكي وسوستيني ثم ثم تقلب حالك
ندى : اها مابيا والو ضك نرجع نروح نغسل وجهي ونرجع مانطولش
حتى ادم ماعجباتوش حالتها وحس بوخزة في قلبو قلبو ميش مطمنو : ندى اختي اكي مليحة !! تحبي نروحو
ندى : لالا مابيا والو ضك نمشي نبرد وجهي ونرجع
ادم : تعرفي وين جاية السانتيار ؟
ندى : ضك نسقسي
هزلها راسو بايه وهي راحت قعدو ساكتين في زوج واحد ماحكا كلمة وساعات يسرقو نظرات من بعضهم بالخفاا كسر جدار الصمت ادم
ادم : كيفاش كانت قرايتك ثما تأقلمتي ؟
اسراء ببرود : cv
هزلها راسو بايه قتلو برودها معاه تبدلت بزاف ماقعدتش هاذيك اسراء المرحة اللي يحبها هو
ادم : يظهرلي كندا بدلتك كندا ماقعدتيش كيما كنتي
اسراء : ههه بالعكس هي اللي فيقتني على روحي ... كاينين شي عباد هكذا مايستاهلوش نحبوهم هوما اللي عطاوني كف فيقوني من احلام اليقظة
ادم سكت مالقا مايهدر الجو كان مكهرب بيناتهم كان الصمت سيد الموقف يتفرجو في الحفلة والمخطوبيين وسمعو لايهم اللي كان ضيف الشرف وهو اللي افتتح الحفل بعد ماخلص جا ليهم بعد مالاحضش ندى معاهم
ايهم : وين راهي ؟؟
اسراء : راحت للسانتيار
ادم : بصح ماشي طولت !!!!
ايهم : لاه وكتا راحت!!!
اسراء : كيما رحت نتا
ايهم : ضك نجي ونروحو
اسراء : اعع والبياس مونتي
مشا وخلاها وهي تأففت وحطت يدها على خدها فادة من الجو ندمت كي قررت تجي ادم كان غار يتفرج فيها ويملي في عينيه يشبع منها ويتمنى تتصلح الامور بيناتهم
...................................
عند ندى بعد مارحت من توالهم كانت تمشي بخطوات ثقيلة سقاسات سارفور ثم نعتلها وين جاية دخلت ووغلقت الباب شافت وحدة عاطيتها بظهر وتحكي في التيلفون مادارتش عليها الحس ولوخرا مافقتش بيها فتحت العين تغسل وجها تسمرت في بلاصتها على صوت هدرتها
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
