فاقت ندى حاسة بجسمها مدقدق كامل كل عظمة تقول لختها ماتتكايش عليا تفكرت الشي اللي صرا معاها شافت في السقف كان جديد ميش اللي موالفة تشوفو دورت راسها بوهن تاعبة لأقصى درجة شافت ادم مقابلها ومعاه رحمة والجيهة المقابلة هشام شافت فيهم مستغربة .. وش جابها لهنا كانو يشوفو فيها بابتسامة ورحمة كانو دموعها في عينيها يهبطو بصمت مافاقتش كيفاش ترمات عليها تعنق فيها وتبوس في كل انش من وجهها
رحمة : سااامحيني ياااا بنتي ساااااامحيني ماوقفتش معاااك مااكنتش معام اسمحيييلي
شافت فيهم عاقدة حواجبها بعدتها عليها تحاول تفهم منها
ندى : كيفاش مافهمتش !!! وانا وش جابني هنا انا ............
ادم : يما خلي ضك انا نحكيلها
هزتلو راسها بايه باست ندى من راسها : نروح نوجدلها كاش حاجة توكلها ونجي
خرجت وندى مزالها كي الاطرش في الزفة عطالها ادم الوثيقة حلتها وهي عاقدة حواجبها قراتها تبدلت ملامح وجهها دارت ليهم
ندى بتلعثم : يع...يعني ا.ا..ا.انا اختك !!!! انا بنتكم!!!
هزلها ادم راسو بايه وعنقها شافت في هشام اللي كان حاكم دموعو على شعرة
ندى : و.و..ونتا بابا!!!!
طاحت دمعتو في ذيك الدقيقة هزلها راسو بايه
ندى : بصح كيفااه حتان ..............
هشام : خطفوك منا كيما ولدتي
ندى : وشكون خطفني!!
هشام : نذير
ندى : هه وكي علابالك بلي هو اللي خطفني لاه ماحوستش عليا
هشام : ههه في بالك اللي هو ساهل بصح هو بعد ما خطفك بدل اللقب تاعو ومحا اي حاجة توصل ليه خاطر بساطة هو من المافيا
ادم : ندى حنا ميش رايحين نضغطو عليك باش تتقبلينا عندك وقت اللي حبيتي علاباللي بلي ماشي ساهلة تكوني عايشة في كذبة تنوضي تلقاي روحك متزوجة مبعد تلقاي العايلة تاع الحقيقة علابالي صعيبة
ندى : هههههههههههههههه يااااربي هههه
شافو فيها مستغربين من الجاست تاعها وهي كانت ميتة بالضحك دخلت رحمة لقاتها تضحك تبسمت لا ارادي ومشات جيهتها
ندى : ههههه علابالكم ههههه ماجاتنيش حاجة بيزار اصلا مانيش مستغربة ولا هه خاطر من الاول ماكنتش مقتنعة بلي هاذيك هي عايلتي ماكنتش مقتنعة بلي هاذيك هي الام اللي ولدتني بصح ضك خلاص لقيت الاجوبة كاامل وفهمت علاش كانت تعاملني بهاذيك المعاملة
شافو فيها بحزن واولهم رحمة اللي طاحو الدموع من عينيها حكت يدها على راسها
رحمة : ندى بنتي اسمحيلي والله اسمحيلي ماكنتش بيدي كبدتي محروقة عليك 18 سنة وقلبي يتشوا عليك
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
