تجارة شرف ♥باللهجة الجزائرية ♥(مسابقة تكملة الخيال)

البارت 29

دخل في الليل عيان ع الاخر من الخدمة دخل لغرفتو ديراكت ضربو البرود كانت الغرفة باردة صح   لقا الكليماتيزور شاعلة راح طفاها لمحها راقدة  وخدودها حومر  ومتغطية استغرب من الشي اللي جابها لهنا طفا الضو وراح تحمم بما بارد نحا التعب لاحظ قشها اللي كان في لادريسينغ استغرب مشا  توضا وصلى صلاتو وراح تكسل ع الجيهة لوخرا وسحبها ليه حط راسها على صدرو حس بيها سخوونة بزااف حط يدو على خدودها وجبينها كانت النار شاعلة فيها تنفض من بلاصتو راح قاسلها السخانة كانت فريمون طالعة وهي متكمشة في بلاصتها وتتمتم بكلمات ميش مفهومين وساعات تسعل راح مربوث خايف عليها  جابلها دوا تاع السخانة نوضها وهي شبه واعية شربولها و جاب ما بارد وكمادة يحط على جبينها  وينحي قعد زمان وهو على هاذيك الحالة والسخانة ماحبتش تتنحالها مابقالو غار حل واحد 

راح للدوش عمر البانيو بالما البارد ورجع هزها بين يديه مع حطها في الما تنفضت مخلوعة وكبشت فيه بقا حاكمها حتان بدا جسمها يتعود ع الما ترخات فيه خلاها في مدة مبعد بدوللها بالما الدافي جاب الكاب تاعو وغطاها بيه  مالقا كيفاش يبدللها قشها ومالزمش تبقى بيه مشمخ  حطها فوق البونك كسلها وراح جابلها قشها بيجامة من لادريسينغ وقعد متوالها  قاسلها لقاها هبطت بقا يخبط بكفوف خفاف باش تفيق  

ايهم : نددى نددى نووضي البسي  قشك 

قعدها وهي تترنح راسها يروح ويجي ميش قادرة تهزو وعينيها شبه محلولين عطالها البيجامة حكتها عليه بفشلة 

ايهم : البسي قشك باش ماتمرضيش

ندى : اممممم 

غمضت عينيها وطاحت على صدرو مسح على وجهو  مالقا كيفاه يدير مشا طفا الضو ورجعلها  غطاها بليزار وغمض عينيه نحالها قشها وهو  متحكم في روحو من ملمس بشرتها الرطب حاكم في روحو عليها على شعرة لبسلها بيجامتها وكسلها  بجنبو حاط راسها على صدرو ويمسح على شعرها  باستها من جبينها وخدوها وبجنب شفتها بحنية وساعة ساعة يتبسم كي يتفكر تصرفاتها حتان داتو عينو ورقد من تعب اليوم اللي هدو 

*********************

اصبحنا واصبح الملك لله 

ناض ايهم  في الوقت اللي موالف بيه راسو يوجع تالمون مارقدش تقريبا وبايت ساهر معاها  شاف فيها راسها فوق صدرو اول حاجة دارها تحسس الحمى تاعها  لقاها نازلة بعدها عليه بالشوي باش ماتفيقش اصلا نومتها تاع اهل الكهف راح دار روتينو كي العادة باسها من جبينها وخرج تلاقا مع شهيناز خارجة  صبحت عليه 

ايهم : خالتي وش قصة حوايج ندى اللي في غرفتي

شهيناز بهمس: جداك هنا وهي معلابالهاش بلي متزوجين هكذاك برك ونتوم ماكملتوش زواجكم علابالك هي متحفظة والله تنوض فراسة