فووط + كومنتار
بعد شهر
فات شهر على هاذو الاحداث وندى حالتها مزالت كيما هي ومين رايحة للاسوء ... ساءت حالتها بزاف كثرو نوباتها من اللي تنوض وهي تكسر وتبكي وتعيط نحاولها كلشي ممكن يضرها او ممكن يتكسر في الشمبرة ولات ما توكل ماوالو عايشة غار ع الما اغلبية الوقت راقدة من تأثير المهدئ رجعت حالتها حالة ماتهدر مع حتى واحد دخلت في اكتئاب حاد وشحال من مرة تتخنق شيانت مره وجها ولا اصفر كي حبة القارس ولي ساغن دايرين بعينيها جسمها مجروح وطبب طبب تالمون تضال تكسر مالقاو كيفاه يديرو معاها ايهم ولا اغلب وقتو في الخدمة يشغل في روحو غار باش مايشوفهاش ومايشوفش حالتها يطل عليها غار في الليل غايضاتو بزااف تمنى انو ترجع مولات اللسان طويل اللي ماتملش من الهدرة ولا هاذي اللي راه يشوف فيها رجعت بلا روح وشهيناز شحال من مرة تطلعلها لاطونسيون وقلبها يتكوا عليها ... حكالها ايهم وش صرا معاها بعد ماتحرى ع الموضوع بصح مالقا حتى راس خيط يوصل لاحمد هاذا
دخلت عليها هازة الصينية في يدها على امل انها توكل اليوم كانت تموت ع الماكلة ماتشبعش واليوم رجعت لقمة ماتحطهاش في فمها شهر ماذاقتهاش حطتهم في لاتابل دو نوي وراحت ليها كانت قاعدة في زاوية ضامة رجليها لصدرها وتشوف في الفراغ كانت حالتها تبكي الحجر كأنو الروح سلبت منها كانت الضحكة مالية وجهها ومالية الدار قعدت متوالها وحطت يدها تمسح على شعرها
شهيناز : ندى بنيتي الحبيبة ياروح خالتك نوضي خلاص يكفي وش رقدتي وش بكيتي شوفي حالتك كيفاه رجعت رجعتي كي الجثة خلاص انساي اللي فات هاذا قضاء وقدر الماضي يبقى ماضي لازم عليك تنسايه باش تعيشي الحاضر تاعك هيا بنتي نوضي اللي دار فيك هكذا ربي يجيبلك حقك منهم صح معلاباليش وش فوتتي ثما وش عانيتي بصح مجبورة تنساي ........
ناضت ندى من الزاوية اللي كانت قاعدة فيها وتعيط : ماننساش ماننساش كيفاااش تقوووليلي انساي ماااانقدرش اليوم هاذاك مزالو محفووور في مخي (وتخبط في راسها بصبعها ) مانقدرش ننسى كانو يتاجرو بيااااا كيما السلعة كانو يحوسو يسلبو مني الشرف تاعي الحاجة الوحيدة اللي بقاتلي .... يبيعوك اللي يدفع كثر يشريك كأنهم وحوش بشرية رجعت سلعة بيناتهم والطمع مالي عينيهم بيسك انا صفقتهم الورقة الرابحة زين واطاي وجمال فااااتن وزيد من الفوق بنت عذراء وصغيرة في العمرر الكللللل يحوس عليا يلععععن الزين والجماااال والجسم الابيض اللي عندي هاذي هدرتهم هوما بصح نعل بوه.. اي نععللل بوه هاذ الجماال متوال الشرف كون غار ماجيتش زينة وباهية ومافوتش هاذا الشييي كامل
شهيناز : اششش اهدي يا روحي صاي هاذا الشي فات خلاص انسايه وعيشي حياتك ا بنتي
ندى ببكاء : مانقدرش مانقدرش كل يوم وكل دقيقة نتفكرهم كل ساعة تفوت عليا نتخيلهم متوالي حتى في نومي وماتركونيش وهاجموني كيفااه ننسى قوليلي مزالت جملة وحدة تحفرت في عقلي ووذني كي قالي "اهربي وين حبيتي نجبدك من السما ولا من الارض وين تروحي راح نجبدك "
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
No Ficciónفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
