وين راكي هاربة يا الهرااابة رووحي ديري فوت واعقبي تقراي الحبيبة
تسريع الاحداث
فاتو يامات كل واحد كيفاش عقبو عليه ايهم رجع يعامل ندى بالبارد مايشوفهاش بزااف ملهي روحو بالخدمة يدخل بعد ماترقد ويخرج قبل ماتنوض ديما يرقد في البالكون بعيد عليها مزال مارتاح قلبو والثار ينهشلو في قلبو والشيطان يوسوسلو اما ندى حايرة من تصرفاتو بصح ماحبتش تضغط عليه وليندة وفريدة كل مرة يلوحولها هدرة تجرحها اما منال جبدت روحها تضال في غرفتها اما اسراء فكانت تخرج مع ادم مرة على مرة وعشقهم فات الحدود وشهيناز كل يوم حاطة قلبها على يدها فاقت بيل ايهم شاف الوثيقة وحمدت ربي انو مادار والو لندى خايفة من ردة فعل جداه وعمتو كون يعرفو بلي عمها هو اللي قلتلهم ابنها ومرت بنها ساعتها راح تجرحها وتدمرها وماتسكتلهاش عليها ماهي تعرفهم كيما كفوف يدها وتعرف طينتهم ضك اي خاطيتهم ويضالو وراها مابالك كي يعرفو بلي تربطها علاقة مع قاتل ابنهم وخوهم وفريدة من هاذاك النهار مازادتش دخلت بين ايهم وندى
كانت متكسلة في غرفتها وتبدل في القنوات حتان شافتها مكتوبة بالخط العريض تنفضت من بلاصتها راحت تجرري زدمت على اسراء كي العسكري اللي كانت تهدر مع ادم
اسراء : خير وشبيك ؟؟ يخي ماطاحتش كاش طيارة على الدار وانا ماعلاباليش
ندى : يابنتي راهي كثرمن الطيارة وكثرمن الصاروخ
اسراء : خير وش كاين!!!!حبستيلي قلبي
ندى : مزال باش يحبسي كوراجيه من لغدوة ويحبس على روحو
اسراء : نددددددى اننننطقي
ندى : غدووة لاليست تاع الباك
اسراء بصدمة : ايي قولي والله شكون قالك ولاه داروها غدوة يخي مزال الحال ولا افففف اييي عطيتيلي فجعة ليستوما ناضتلي من الخلعة
ندى : تشوفي انا هاذا وين شفتها في الاخبار ..... اا اكي خليتي التيليفون محلول
هزتو اسراء وهي مخلوعة : ادم باي ماتزيدش تعيطلي حتان ننجح يلا مانجحت ماكان لاه مااتسمعني صوت ماتخليني نشوف وجهك
قبل مايرد كوبات عليه ودارت لندى
اسراء : افففف توترت زعما ننجحو !!! مانيش متأكدة من روحي
ندى : بعدي برك في العين انا اللي كنت ندي في 16 و 17 واقيل
اسراء : لاه راكي تعيطي عليا خمسة وخموس راكي تدي كثرمني ابنتي ماكفاتكش 18 !!
ندى : انا ننجح بربي ان شاء الله مانديش موايان مليح نزدم للوزارة ديراكت خاطر مخي حطيتو
ضحكو هبطت اسراء خبرتهم اما ندى راحت لبست جبة تاع دار خاطر كانت لابسة بيجامة بعد مدة هبطت سمعت الحس في الصالة عرفت بلي جاو ضياف دخلت لقات زوج نسا ثم يشايخو تبسمت ودخلت سلمت عليهم وقعدت معاهم وليندة غار تتخنزر هازة نيفها في السما
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Não Ficçãoفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
