كبشت في ندى كي شافاتو واقف لهيه شافت فيها ندى وشافت وين راهي تشوف
ندى : هاذا هو !!!
هزتلها اسراء راسها بايه ومتوترة
ندى : اففف قوي روحك ماتكونيش ضعيفة شوفي انا وش فوت وهكذاك مزالني واقفة على رجليا مبتسة رغم الاعاقة
خبطتها اسراء لكتفها : مهبولة هههههه نتي شخصية قوية بصح انا ميش كيفك
ندى : شخصيتك نتي اللي تبنيها راكي تشوفي فيا نضحك وبهلولة بصح داخلي عكس وش راكي تشوفي هكذا نتي ماتخليش وش كاين في داخلك يبان لشتا راكي تتحرقي من الداخل اضحكي من برا وماتبينيش ضعفك للناس ... وضك امحي ملامح التوتر اللي على وجهك كوني كيما خوك كيما الجن يتحول في دقيقة
ضحكو ومشاو واسراء دارت وش قاتلها ندى وحافظت على ملامح الجمود وصلت وين الطابلة اللي قاعد فيها هو سلم على ايهم طاحو عينيهم في بعض حس بنبضات قلبو يزيدو كي شافها ...... تبدلت بزاااف ماقعدتش كيما شافها اخر مرة وزادت زيانت كثر وكثر وهي كانت حاسة بفوضى وعرس داخلها كي شافاتو بعد غياب 4 سنين حابة تروح تعنقو كيما كانت من قبل بصح ضك تبدلت الحالة ماقعدتش كيما كانت ... قعد يشوف فيها وبالضبط في عينيها غارق في ملامحها فقد الاحساس بالوسط الخارجي في ذيك الدقيقة شافت ندى في ايهم اللي كان يشوف فيهم وعاقد حواجبو شمت الحالة قارصة وحايرة في ايهم اللي ماقاللهم والو قرست اسراء من تحت فاقت مع روحها ومدت يدها ليه تسلم عليه
اسراء : اهلا خويا ادم cv!!!
شاف فيها بصدمة وعلق ذهنو غار على كلمة وحدة كلمة خويا يعني هي تعتبرو خوها!!!شاف في عينيها بلاك راهي تكذب بصح مالقا والو غير نظرة البرود يعني هي نساتو !!!ونسات ذكرياتهم مع بعض جميع الافكار كانت تعصف في عقلو وفي قلبو اللي تزير من هاذ الكلمة مد يدو بارتباك وهو مزالو مصدوم
ادم : cv hmdونتي
اسراء : الحمد لله
نحات يدها بسرعة خايفة تفضح روحها وقعدت شافت ندى في ادم ومدت يدها
ندى : سلااام انا ندى
مد يدو هو ليها ثاني وتصنع الابتسامة : وعليكم السلام انا ادم
نحات يدها وقعدت بجنب اسراء شافت في ايهم اللي كان قعرها بالتخنزير قعدت مستغربة يخي مدارت والو قدمت لاسراء وهمستلها في وذنها
ندى : وااو نستعرف بيك حتى انا قريب امنت تستاهلي جائزة الاوسكار في التمثيل هههه خرجتي الفريجيدار اللي داخلك ... باردة كثرمن خوك
ضحكت اسراء بالصوت شافو فيها في زوج ايهم وادم اللي من وقت شافها وهو ساكت وترخف يخزر فيها من تحت عينيه كانت اسراء وندى مندمجين في الهدرة مع بعضاهم واسراء تحاول تتجاهل ادم جات طفلة لابسة روبة ميني فخاذها كامل على برا وحاطة كيلو ماكياج شافت فيها ندى من الفوق للتحت سلمت على ايهم وادم بالبوس خلات الزوج هاذوك يغليو لصقت في ايهم تتغنج وتطلق في حلاوتها عليه
أنت تقرأ
تجارة شرف ♥باللهجة الجزائرية ♥(مسابقة تكملة الخيال)
Non-Fictionفجأة تجد نفسها وشرفها مثل البضاعة تباع وتشترى يتاجرون بشرفها ...... اما هو فانه شاب حاد الطباع قاسي وبارد كالجليد تأسره ذكريات الماضي وتسجنه .. صدفة وفقط يلتقي بها ليكتشف فيما بعد ماضيه المرتبط بها فماذا سيحدث حينها ؟؟؟ هل سيعيشان حيا...
