الفوت يباشا.. 😃🖤
(بسم الله،نبدأ)....
*******************************
"من الطبيعي ان تكون البدايات اجمل ما في العلاقة فلا يعقل ان يأتي احدهم ويقول لك : انا وغد..."...
قاطعها اسر وهو يقول: انا بقول كفاية كدا....
نظرت له ملك بضياع وهي تقول: كفاية اي...
" عايزا تكملي معايا ولا لأ يا ملك..".. قالها اسر بتساؤل وقد شعر بأن الارض تميد اسفله ان اجابت ب"لا....
اما ملك فنظرت له بضياع فقد قتلها التفكير طوال الشهر المنصرم فقد كان هذا اصعب وقت مر في حياتها بعد كل ذلك لتقول بدموع: صحيح الحب هوا الاساس في العلاقة بس مش كل حاجة.. ياما في علاقات اتبنت على الحب بس مكملتش لانه ببساطة شديدة الزوجين بيلزهم حاجات اكتر من الحب.. بيلزهم الانسجام والتفاهم والالفة واهم حاجة العشرة عشان يقدروا يكملوا بقيت عمرهم سوا لحد اما يموتوا تحت سقف واحد...
نظر لها بتألم اخفاه وهو يقول بقوة : تمام.. افهم من كدا انك عايزا تتطلقي..
"ممكن تسمعني.."قالتها بدموع وبكاء مزق قلبه..!!
رفع وجهها اليه وهو يقول بغضب: كفاية عياااط بقااا ....
نشجت بقوة وهي تتنهد قائلة: انا من اول ماجيت القصر هنا وانا كل حاجة في حياتي اتغيرت... اول لما شوفتك كنت ناوية انتقم لأبويا الله يرحمه.. وفعلا عملت المستحيل ودخلت مكتبك وسرقت ورق الصفقة وكنت اسعد واحدة لما عرفت انك خسرت صفقة كبيرة ومهمة في تاريخ شغلك زي دي.. بس لما حصل اللي حصل وعرفت ان عندي عم واتجوزتك حياتي خدت منحدر تاني..
حسيت بشعور غريب لما قربتلي.. و.. حاجات اول مرة احسها.. الاوقات الحلوة اللي كنت بخرج فيها معاك كنت بحس انك.. حنين بس مفيش حد يساعدك تخرج الحنية دي.. شفت فيك حاجات كتير اوي...منها انك بتخاف تخسر اللي بتحبه عشان كدا متملك اوي... انت كمان موجوع وعندك جرح زيي...انا خايفة اوافق على حبك ابقى ارتكبت اكبر غلط في حياتي خصوصا اني مش معايا ضمان انك هتتغير ومش هتأذيني.. وخايفة موافقش فأبقى عايشة في وجع قلبي دا.. انا قلبي وجعني لما شفتك مع سها مش عارفة ليه.. حسيت اني محتاجة اشوفك كل يوم... انا.. انا حتى اضايقت لما.. كنت بصحى من النوم مش بلاقيك جمبي.. انا محتاجة احس بالامان ودا الشئ اللي مخوفني خصوصا اللي عملته معايا قبل كدا من ضرب وجلد... انا بجد تايهة ومحتاجة منك انك تقدر كدا...!
اردف اسر وهو ينظر الى زرقاوتيها: فيكي حاجة شدة روحي.. قلبي مش عايزك تروحي... انا يمكن غبي في تعبيري عن مشاعري وحبي.. قاسي في غيرتي وخشن في كلامي بس انا بحبك..
مش ههتم لفرق السن بقا والكلام دا كله اصلي معتبرك بنتي قبل اي حاجة..انتي نورتي دنيتي.. كل حاجة لمستيها او عينك وقعت عليها بقت اجمل وازهى.. انتي عمري اللي ضيعته في الشغل والجري ورا الفلوس.. انتي البداية الجديدة ليا وكأني اتولدت من اول وجديد على ايدك....عارف انك عانيتي بسببي كتير اوي بس اوعدك لو طلبتي مني كنوز الدنيا لو حتى نور عيني هتاخديه من غير اعتراض... لما بتتوجعي بحس ان روحي مسحوبة وعايز اشيل عنك كل دا... انا بحبك واللي بيحب حد مش ممكن يأذيه...
أنت تقرأ
انتقام ملك (مريم طارق)
Randomقتل اباها بدون رحمة وهي صغيرة، كان سبب في دخولها ملجأ وتعرضها لحياة بائسة والان عادت لتنتقم فهل سيكمل انتقامها ام ستقع في عشقه الابدي هوا مغرور ومتعجرف قاسي لايعرف الرحمة بسبب ماضي مؤلم عاشه فهل ستأتي هيا من تضيف لحياته نكهة جديدة ولكنها دخلت عرين ا...
