الفوت يلا عشان النهاااااية...🖤
(بسم الله، نبدأ).....
******************************
"نحن في مجتمع ساذج فمثلا إن حمير هذه المدينة يدهشهم ان تبلغي الثالثة والعشرين قبل ان تتزوجي.. لذا لاتبالي"...
ضحكت بخجل وهي تدفن رأسها في صدره الدافئ ولكن تحولت ضحكتها الى تأوه وهي تغرز اصابعها في زراعه عندما صرخت بألم وشهقة قوية:ااااه.... اسررر الحقنييي...
انتفض اسر فزعا ثم اخرجها من احضانه وهو يقول بخوف ولهفة: مالك يا حبيبتي...
تكثفت الدموع في عيونها وهي تقول بأنين: مفيش...
شعر بأن قبضة حديدية سحقت قلبه ليقترب منها وهو يقول بخوف: اي اللي وجعك... ردي عليا.... انا وجعتك في حاجة...
نزلت دموعها وهي تقول: في نغزة شديدة في جنبي... انا بقالي يومين حاسة بيها بس زادت النهاردا اوي...
علم اسر ماسبب تلك الوغزة ليحيط جسدها بين يديه وهو يقول بحزن: انا اسف....
تمسكت به وهي تقول : بتتأسف ليه.. ؟؟
"انا السبب.. لولاي مكنش حصلك كل دا".. قالها بحزن دفين وهو يتذكر فعلته في الماضي التي اوشت بحياتها الى الجحيم..!!
ضمت جسدها اليه اكثر مردفة: اسر متقولش كدا.. احنا قفلنا الماضي.. وملك مش هتعرف تعيش من غير اسر ومش عايزا حاجة من الدنيا غير اسر....
احتضنها وهو يمسد على شعرها قائلا بعشق: واسر بيعشق النفس اللي بتخرجيه ياقلب اسر...
شعر اسر بعدم راحتها ليمسد على بطنها وهو يقول: حبيبتي اجهزي عشان هكلم الدكتورة...
تشبتت في احضانه وهي تقول بدموع: اسر لا عشان خاطري.. بلاش تكلمها انا عارفة هيا هتقولي اي...
احتضنها وهو يقول بتألم: بالله عليكي متعيطيش.. بس عشان خاطري لازم اطمن عليكي....
ابتعلت ريقها بصعوبة وهي تقول: انا خايفة تقولي ان فيه فشل في الكلية...
قاطعها وهو يحتضنها بدموع قائلا برفض: شششش....اخرسي بعد الشر عنك.. انا مش هسيبك ابدا حتى لو فيه كدا.. هفضل جمبك واعمل المستحيل لو هيكلفني كل ما املك... وبعدين مش هيبقى فيه حاجة من الكلام دا بإذن الله...
تمللت في صدره وهي تقول: انا بحبك...
قبل خصلاتها وهو يقول بخفوت: حاسة بوجع..
اومأت ملك في صدره وهي تقول: وجع خفيف...
قبل جبهتها وهو يقول: خدي شاور دافي يريح جسمك وانا هتصل بالدكتورة...
ابتسمت ملك بإرتعاش ثم قبلت شفتيه وهي تنهض متجهة الى الحمام لعل جسدها يهدئ فقد ازداد الالم بشكل مفاجئ جعلها تخاف...!!!!
أنت تقرأ
انتقام ملك (مريم طارق)
Randomقتل اباها بدون رحمة وهي صغيرة، كان سبب في دخولها ملجأ وتعرضها لحياة بائسة والان عادت لتنتقم فهل سيكمل انتقامها ام ستقع في عشقه الابدي هوا مغرور ومتعجرف قاسي لايعرف الرحمة بسبب ماضي مؤلم عاشه فهل ستأتي هيا من تضيف لحياته نكهة جديدة ولكنها دخلت عرين ا...
