نزلوا من السيارة
ترف:ادخلي انتي وانا بجلس في الحديقه شوي
جُمانه:خذي راحتك
دخلت جُمانه وتمسكت ترف بالوشاح ودمعت عيونها وسرحت بتفكير عميق وهي تدور حل للمشكلة
*بعد ما غربت الشمس
حست بهز جوالها في جيبها وطلعته وكان المتصل(ستيف) وردت عليه
ترف:اهلاً ستيف
ستيف:ترفف...
استوعب نبرتها:وش فيه صوتك؟كأنك متضايقه؟
ترف:لا مافيني شئ
ستيف:لا تكذبين ترا واضح من صوتك
وكمل كلامه:بما انك متضايقه بوديك مكان مرا جميل دايماً اروحه اذا تضايقت
ترف:مالي خلق اطلع
ستيف:انتظرك عند الباب
ترف استوعبت وبصدمه:وش عرفك بعنوان البيت!!
حك راسه وكأنها قدامه:اخذته من جُمانه
ترف بإستسلام:خلاص الحين بطلع
خرجت من البيت وركبت سيارة ستيف
ترف:يلا مشينا
ستيف:دقيقه نأخذ صورة
رفع جواله وصور صوره لهم وتحرك من عند البيت
*عند مهند وكمال
شد شعره بعصبيه وتشتت وهو يحاول يتذكر ايش الموضوع اللي غلط فيه وزعلها
كمال:مهند
رفع راسه ونطق:انا وش سويت لها؟في الوقت اللي تصلح فيه علاقتنا يجي شي يخربها تعبت يا كمال من هالوضع تعبت
ربت على كتفه وبمواساة:ماعليك عطها فترة تفكر مع نفسها وكل شي بينحل قريب
رن جوال مهند برقم غريب
اخذه ورد عليه بدون مبالاة وانتباه للرقم
بدر:تحسب اني غبي عشان ما اعرف حركاتك اللي مخطط لها من البدايه
جلس بإعتدال لما سمع صوته وكمل بدر كلامه:وش حالها بنت العم والبنت اللي ببطنها؟اوه صح نسيت انها جايين عندي الحين
عقد حواجبه يإستغراب:وش قاعد تخربط انت؟
بدر:شوف الصور اللي رسلتها لك وبتفهمني
فتح الرسايل وجمدت ملامحه لما شاف صور ترف مع ستيف
مهند:تتوقع اني بصدق اكاذيبك يعني؟
أنت تقرأ
رواية يا غنّاة الروح ، يا قصّيدي واشعاري
Romanceماذا لو علمت عمّا يجول بخاطري؟ عن الحُب الذي اكنّه بصدري لك عن كُل المشاعر التي تراودني وتأخذني الى عالمي عن الصدفه التي جعلتك تأتي الى طريقي وجعلتني اقع بحبك رغم جميع ما يحدث... (الرواية باللغة العامية) ...
