"Aaminin Ba O Mananatiling Lihim?"
✍︎ʜᴇʏɪᴛsᴍᴇᴊᴇsɪᴋᴀ✍︎
Sarili'y pinakikiramdaman,
di mapakali ang isipan,
puso'y kinakabahan,
tila ba may paru paro sa aking tyan.
Madaming tanong ang gumugulo sa isipan,
ako ba ay iyong iiwasan,
kung sakaling malaman mo ang katotohanan,
na ikaw ay aking nagugustuhan?
Hindi ko na maintindihan,
natatakot na ako'y layuan,
kapag iyong nalaman,
na sayo ako'y may nararamdaman.
Nahihiya akong umamin sayo,
inuunahan din ako ng takot ko,
baka hindi mo din ako paniwalaan,
dahil may iba ka nang nagugustuhan.
Kaya ang tanong sa buwang nasa kalangitan,
at sa mga bituin sa kalawakan,
aamin pa rin ba kahit na walang tyansa?
o ililihim na lang dahil wala namang pag-asa?
BINABASA MO ANG
𝗣𝗮𝗵𝗶𝗻𝗮 𝗡𝗴 𝗠𝗴𝗮 𝗧𝘂𝗹𝗮
Puisi𝖣𝖺𝗆𝖽𝖺𝗆𝗂𝗇 𝗇𝗀 𝖻𝖺𝗐𝖺𝗍 𝗌𝖺𝗅𝗂𝗍𝖺, 𝖡𝗂𝗇𝗎𝗈 𝗇𝗀 𝗆𝗀𝖺 𝗍𝗎𝗅𝖺. Nagsimula ako sa maikling katha, hanggang sa ang isipan ko ay mahasa, para magsulat ng mga tula, tulang ibabahagi sa madla. Mga letra at inspirasyon, pinag-isa ng imahen...
