ဗေဒါလေးမို့ မချစ်ရက်ပါ❣️ (Completed)

အပိုင်း(၁၀)

*RIT တက္ကသိုလ် မောင်မယ်သစ်လွင်ကြိုဆိုပွဲ*

သက်ထားရောဟန်နီရောက Queen Selection ထဲတွင်ပါလေတယ်၊ဟန်နီကအဲ့အရာတွေကိုစိတ်မဝင်စားပေမဲ့သက်ထားကသူဝင်ပြိုင်ချင်ပေမဲ့တစ်ယောက်တည်းဆိုတော့နဲနဲကြောက်လို့မပြိုင်တော့ဘူးဆိုပါတယ်၊ဒါပေမဲ့သက်ထားရဲ့အလှအပကတစ်ကျောင်းလုံးမှာတစ်ယောက်တည်းရှိတဲ့အလှမျိုးဆိုတော့မပြိုင်ရင်နှမြောစရာကောင်းလှသည်၊အဲ့ကြောင့်ဟန်နီရောသက်ထားရောဝင်ပြိုင်ဖြစ်လေခြင်းပင်။

"ဒီနှစ်ရဲ့ မြို့ပြမေဂျာ Queen ကတော့ ခါးနံပါတ် ၁၁ ဟန်နီကုဋေ ဖြစ်ပါတယ်"

"ဖြောင်း ဖြောင်း ဖြောင်း"

ခေါင်းထက်မှာသရဖူနဲ့ကိုယ်ပေါ်မှာစလွယ်တစ်ခုကလည်းနေရာယူထားပြီးသားပင်၊ဟန်နီကအဖြူရောင်နဲ့မရမ်းရောင်ဆက်ပြီးဖောက်ထားတဲ့ ချိတ်ဝမ်းဆက်ကိုဝတ်ဆင်ထားပြီး အလှကြီးလှနေလေသည်၊

ဟန်နီကိုယ့်ကိုရလိမ့်မယ်လို့စိတ်ကူးပင်မယဉ်ဖူးပေ၊ဟန်နီကအဲ့လောကကိုစိတ်မပါသလိုတခါမှဝင်ရောက်ယှဉ်ပြိုင်ခဲ့ဖူးမရှိပေ၊ဒါကလဲပထမဆုံးအကြိမ်နဲ့နောက်ဆုံးအကြိမ်ပဲဖြစ်မှာပါလေ၊စင်အောက်ကကြည့်ရှုသူများကြောင့်မကောင်းတတ်လို့ပြုံးပြရလေပြန်တယ်၊

"ကဲ  ဒါဆိုဆက်လက်ပြီးတော့ကြေညာပါမယ်ခင်ဗျာ တစ်ကျောင်းလုံးရဲ့ကိုယ်စားပြု Queen ကတော့ တစ်ခြားသူမဟုတ်ပါဘူး မြို့ပြမေဂျာ Queen ရဲ့အချစ်ဆုံးသူငယ်ချင်းဖြစ်တဲ့
ခင်သက်ထား ပါဘဲခင်ဗျာ"

"ဖြောင်း‌ ဖြောင်း ဖြောင်း"

"ဖြောင်း ဖြောင်း ဖြောင်း "

လက်ခုပ်သံတွေကအချိန်တခုထိမစဲသွားပေ။သက်ထားကလည်း အတော်ပင်လှသကိုး၊အသားဖြူတဲ့လူကအနီနဲ့ဆိုတအားလိုက်တယ်ဆိုတာကို သက်သေပြလိုက်သလိုပင်၊သူမဝတ်ထားတဲ့ အနီရောင်ဝမ်းဆက်ရယ်၊‌ဆံထုံးပေါ်ကအနီရောင်နှင်းဆီပန်းရယ်၊နှုတ်ခမ်းဆိုဆေးအနီရောင်ရယ်ကပနံသင့်ပြီးလှလွန်းလေတယ်။

ထိုနေ့မှစပြီး ဟန်နီနဲ့သက်ထားရဲ့သတင်းကကျောင်းတော်ကြီးတစ်ခွင်ကိုပျံ့နှံ့နေလေတယ်၊သက်ထားကအရွေးခံရမယ်ဆိုတာသေချာပေမဲ့ဟန်နီကတော့ ကြားကအချောင်ပါသွားခြင်းပင်၊ သက်ထားကိုတခြားကျောင်းက အတန်းကြီးအကိုတွေပင်လာပိုးပန်းနေကြသည်၊သက်ထားကိုအဲ့လိုတွေလာပြောရင်ဟန်နီတစ်စက်မှမကြိုက်ပေ၊သက်ထားကလဲဟန်နီနဲ့စိတ်သဘောထားတူသလိုပင်လာရည်ငံတဲ့လူမှန်သမျှကိုအကုန်ငြင်းလွှတ်တာချည်းရယ်၊ဒါ့ကြောင့်လဲစိတ်ချရပေတယ်၊