උත්සවයේ වැඩ කටයුතු ආරම්භයට සියල්ලම සූදානම් ය. ජිමින්,ජන්ග්කූක් මෙන්ම රාජ සභිකයන් සියලුම දෙනාමත්, මාලිගයේ සියලු දෙනාමත් මෙයට සහභාගි වීමට නියමිතව තිබිණි.
සියෝ සහ කිම් රාජකීය පවුල් වල සාමාජිකයන් ගේ සම්ප්‍රාප්තිය සිදුවනේ උත්සවය ආරම්භ වූ පසුවයි.
රාජ සභිකයින් හා ප්‍රභූවරුන් මේ වන විටත් ශාලාවේ අසුන් ගෙන සිටියහ.
"කිම් සොන් වූ රජු රාජ සභාවට සැපත් වන වගයි." ආරක්ෂක සෙබලෙක් ශාලාවේ ද්වාරය විවෘත කරන විට එහි සිටි ආරක්ෂක ඇමති මෙන්ම සේනාධිපත් ජන්ග්වොන් සෙන්පතිතුමා මුලු ශාලාවටම ඇසෙන පරිදි ප්‍රකාශ කලේය.
ඔහුගේ දැනුම් දීමෙන් අනතුරුව
සොන් වූ රජු ශාලාවට පැමිණියේය. ශාලාවේ සිටි සියලුම දෙනා සිය අසුන් වලින් නැඟී සිට රජුට ආචාර කලෝය.
සොන් වූ රජු රතු පලස මතින් ගොස් සිය සිහසුනේ අසුන් ගත්තේය.
"ඔටුන්න හිමි කිම් ටේහ්‍යුන්ග් කුමරු සහ කන්ග් සෝ යොන් මහ රැජින සභාවට සැපත් වන වගයි." සොන් වූ රජුගේ පැමිණීමෙන් පසු සෝයෝන් රැජින හා ටේහ්‍යුන්ග් කුමරු පැමිණි අතර සියලු දෙනාම ඔවුන් දෙදෙනාට ආචාර කලෝය. ඔවුන් දෙදෙනාද ඔවුන්ට හිමි ආසන වල අසුන් ගත් අතර ඉන් පසුව පැමිනීනට නියමිත වූයේ සියො රජ පවුලයි.
"ලෝරන්ස් රාජ්‍යයේ මහ රජු සියෝ රජු රාජ සභාවට සැපත් වේ." නැවතත් ජන්ග්වොන් සෙන්පතිතුමා දැනුම් දුන් අතර සියෝ රජුද සියල්ලන්ගේම ආචාර සමාචාර මධ්‍යයේ රතු පලස මතින් පැමිණ සොන් වූ රජුගේ දකුණු පසින් පනවා තිබූ එතුමාට හිමි විශේශ අසුනේ අසුන් ගත්තේය.
"ලෝර්න්ස් රාජ්‍යයේ ගායෙල් මහ රැජිනත්, සෝහී කුමරියත්, හිම්සේ කුමරියත් සභා ගර්භයට සැපත් වේ." පවසන විටම ඔවුන් තිදෙනාද සභාවට පැමිණියේය.
ගායෙල් රැජින ඉදිරියෙනුත්, ඇගේ පසු පසින් සෝහි හා හිම්සේත් පැමිණියේය. ගායෙල් රැජින සෝ යොන් රැජිනගේ දකුණු පස විශේහ්ස අසුනේ අසුන් ගත් අතර, හිම්සේ හා සෝහී අසුන් ගත්තේ ටේහ්‍යුන්ග්,ජිමින් හා ජන්ග්කූක් ට මුහුණ පාමින් ශාලාවේ විරුද්ධ පසෙයි.
කුමාරවරුන් තිදෙනාම කුමාරිකාවත් දෙදෙනාට ආචාර කල අතර ඔවුන්ද පිලිතුරු ලෙස කුමාරවරුන්ට ආචාර කලෝය.
