The Dissolving Flower

Kabanata 33

ETERIA

MAAGANG nagising si Lis dahil sa ingay ni Shio. Ayaw niya pang bumangon sa kama ngunit ito namang si Aryl ay kinukulit din siya tungkol sa sinabi ng lalaki kagabi.

"Oo, pupunta rin naman tayo roon. Chill."

"Kailan? Ngayon ba? Ngayon na, Lis?" pangungulit nito. Hindi ito mapakali at palakad-lakad ito sa kaniyang kuwarto.

Si Sephtis naman ay tahimik lang habang nakaupo sa dulo ng kaniyang kama. Nakangiti ito habang nakatingin kay Aryl. Napansin naman ito ng babae kaya mahina nitong binato ang mukha ng kaniyang kumot.

"Huwag mo 'kong titigan."

Mahina namang natawa si Sephtis.

Niyakap ni Lis ang kaniyang unan at nakasimangot na tiningnan ang dalawa. "Wow. Good morning to me."

Parang siya pa tuloy ang nagmukhang isturbo sa moment ng dalawa.

Hinagis naman ni Sephtis ang kaniyang kumot na binato ni Aryl kanina papunta sa kaniya. "Hurry up. Ikaw na lang ang hinihintay."

Hindi pa nga siya nakakasagot, nagsalita na kaagad si Aryl.

"Lis, pumunta na kaagad tayo sa council. Ang kapatid ko nandoon."

"Wait. Wait." Tinaas niya ang kamay upang pakalmahin ito. Masakit pa nga ulo niya at pumipikit pa ang mga mata pero ito ang dalawa, binubulabog na siya. "We'll be going there but not now. We need to gather information about this district first," namamaos niyang sabi. "There's a lot of things hidden here that might give us lots of information about the council. Isa na roon si Shio."

"Calling for me po?"

Bumukas ang pintuan at iniluwa roon ang nakangiting si Shio. Sana siya na lang ang Sun Dragon, mas maliwanag pa kasi ang presensya nito kaysa kay Sephtis.

"Where's Violet?" tanong niya.

Ito naman kasi palagi ang unang nangungulit sa kaniya, pero wala ito ngayong umaga.

"She's outside," Sephtis answered. "I told you, ikaw na lang ang hinihintay."

"Hindi ba ikaw ang pinaka-excited mamasyal? Tapos ito ka ngayon," sabat ni Aryl na nakakrus ang mga braso.

Napag-usapan nilang lahat kahapon na ipapasyal sila ni Shio sa siyudad. Gustong ipakita nito ang Eteria na sinabi ng lalaki kahapon. Ito raw ang nagpapatakbo sa buhay sa H-district kaya naman sabik na sabik si Lis na makita ito.

"Yeah, but—Argh . . ." Napakamot siya sa kaniyang ulo sabay hikab. "I'm still sleepy."

He had been feeling tired lately. Siguro dahil gumagaling pa ang katawan niya. Pero kahit na, hindi naman kasi siya antukin kapag nagpapagaling. O baka naman dahil sa kadaldalan ni Shio kagabi at sa dami ng katanungan nito sa kaniya, kagaya na lang kung anong klaseng S-gene siya at ang mga kakayahan niya, dahilan para late na siyang makatulog.

"You all can go out. Sunod agad ako." He gestured his hand to signal the three to go out.

Lumabas naman si Sephtis at Aryl pero nagpaiwan si Shio.

"What?" Bumangon na siya sa kama.

"Let me teach you how to use the shower first before I leave," sabi nito at nagtungo sa isang maliit at kwadradong silid, sapat lang para sa isang tao.

May nakakabit itong bilog sa pader at sa ilalim nito ay may maliliit na butas kung saan lumalabas ang tubig. Nagsimulang magpaliwanag sa kaniya si Shio, kung anong tawag doon at kung paano gagamitin. Pati na rin ang ibang mga kagamitin na nandoon.