رواية( ملح بطعم السكر ) للكاتبة / سلمي سمير

الحلقه الخاصه

.#التقينا_بلا_فراق
#الحلقة_الخاصة
 ••••••••••••••••••••••••••••••••☆
في احدي  احياء القاهرة الراقية ومن داخل غرفة احدي الفتيات دخلت الام الي الغرفة وقامت بفتح الستائر لتدخل شمس الصباح تنير المكان
واقتربت من جسد ابنتها المسجي وقالت "
ورد ورد جومي يا بتي الوجت اتاخر

تثأبت فتاة ذات عيون عسلية وشعر اسود كالليل وقالت"
يوه يا ماما سبيني انام نص ساعة وحياتي عندك

زفرت الام بضيق وردت عليها"
جومي يا بتي وبطلي دلع مرج  يا حضرت الدكتورة مخبراش كي هتبجي دكتورة وانت كسلانة اكده

ثم ذهبت الي مكتبها وبدات ترتب كراساتها وكتبها التي كانت تسهر تذاكرها  واثناء ترتيبها لاورقها تقع عيناهاعلي أحدي كراستها ورات فيها قلب احمر خارج منه سهم ومكتوب علي جوانبه
ورد  ومودي عشق وحب

اخذت الكراسة ودفعت  ابنتها بشدة وقالت بغضب"
بت يا ورد مين مودي ده وحب ايه انا هجطع خبرك واصل

ارتبكت ورد ونظرت الي امها وقالت بتنمر"
مودى ده حبيب ورد ج

صاحت فيها جدتها تنهرها بغضب"
ورد اتلمي وانت يا سندس ادخلي صحي جوزك خليني امشي  من هنا ولا شوفي بدر رجع من بره  ولا لاء

نظرت سندس الي ابنتها التي تلقبها باسم جدتها الحبيبة  ورد وقالت بأستفهام "
مخبراش حسا ورد مزعلاكي يا عما هي جالتلك علي حكاية مودى ده مين انا هجول لياسين يأدبها ويبطل دلعه فيها

ضحكت ورد الشام وقالت بنزق"
ملكيش دعوة بيها روحي انت صحي جوزك خليني اسافر معرفش انتو مقعديني ليه فجر فرحها قرب وعايزه اجهز طلباتها ده غير ياسمينا وفرح اللي بيغرقوا في شبر مية بغيابي يلا روحي صحيه قوليله امك عايزة تسافر

وتمسك حفيدتها  من خدها تقرصها من اذنها بغيظ"
بقي كده يا بنت ياسين اضحك معاكي بكلمتين تفضحيني
طيب انا مخصماكي ولما تجي بالاجازة هقول لمنصور يخاصمك ومش هخليه يخطبك لما تكبري

تنططت ورد الصغيرة بشقاوة واخدت تخلص نفسها من يد جدتها المطبقة عليها ،ما ان خلصت نفسها عانقتها واخذت تقبلها في انحاء ووجهه ويدها بحب"
والنبي يا تيته سماح المرادى  انا كنت بضحك مع ماما والله   ثم  انت اللي كتبتي في كراستي  ورسمتي القلب  كنت اقولها ايه يعني انت عارفة هتعاقبني وتحرمني من المصروف سماح بقي، وحياة جدووو عندك سماح خلاص خلاص وادي الكراسه هقطع الورقة ومش هقول كلمة هقولتهالي لحد ابدا

ضحكت ورد وضمتها إلي صدرها واخرجت كيس نقودها واعطتها منه وقالت"
مقدرش ازعل منك يا قلب تيته، بس اللي لازم تعرفيه انا لا حبيت ولا عرفت الحب والعشق غير مع جدك رياض يا شقية يلا روحي صحي بابا قوليله كلم تيته وخدي دول هتيلك حاجه حلوة تحلي بيها بقك اللي بينقط شهد مكرر