المواجهة_الصعبة
#البارت_الرابع_والعشرون
••••••••••••••••••••••••••••••••••••••••••••••••••☆
عاد رياض الي داره بعد صلاة الظهر ودخل غرفته يغير ثيابه لتساله امه بريبة قلق"
ايه رجعك دلوجك يا ولدى مش بعد الصلاة بتمر علي الارض والمزارعبن ولا في حاجه حصلت؟!
رمقها بنظرة سريعه وقال لها علي عجل"
غيري انتي كمان خلجاتك لاجل تجي معايا نزور مرت ولدك
متوحشكيش احفادك ياسمينا وياسين
زفرت امه بضيق "
اتوحشتهم جوي وبالذات ياسمينا الغلباوية ، لكن اتوحشت خوك كمان اللي عايش معانا في بلد واحدة وسبوعين بطولهم مندرهوش ولا بيجي يمسي عليا
مسد ظهر امه بحنان وقال "
خوي سافر امبارح لاشغاله وورد بلغتني انه مردش للبلد من يوم نزل مصر وده سبب اننا هنروح نزورهم رايد افهم منيها ليه خوي سافر من غير ما يودعنا وليه مصر ان مرته تجيم في داره لحد ما يعاود
ظهر الضيق علي محيا عديلة وقالت بحزن"
الغربة جست جلب خوك حتي علي مرته وولاده، انت لازم تشوف ليك حل يا ولدى انا ههملك اغير خلجاتي واجي معاك ازور مرته وخيتي ولازم تحكم عليهم يعاودوا معانا للدار مادام خوك سافر وهمل مرته بولادها لحالها
اؤمي لها رياض بالموافقه وقال"
ده اللي في نيتي بس لول اعرف منيها ايه حوصل وسبب سفره بالشكل ده ليسمعو صوت عويل وصراخ عالي
وضعت عديله يده علي قلبها وقلت بقلق"
استرها يارب مين مات علي الصبح، هروح اندر مين واعود اغير خلجاتي علي ما تخلص انت
تركته وخرجت لينتهي رياض من ارتداء ملابسه ويهندم نفسه لتدخل عليه امه وعلي محياها علامات الذهول والصدمة والدموع التي تحجرت في مقلاتها تنبا بسوء
يسألها رياض بقلق"
حصل ايه يا اماي مالك سحنتك اتجلبت اكده لية!! ، روحتي تندري مين اللي مات، اية حد مات من العيله ولا حد غالي ؟
امسكت في ثيابه وصرخت بوجع جعل قلبه ينتفض من المه علي امه وسالها بهلع"
حصل ايه يا اماي مالك في اية
تحشرج صوتها وانهمرت دموعها لتعبر عن وجعها الغير محتمل
ليضمها رياض الي صدره ويسالها بحيرة"
انطجي يا اماي في ايه مين مات وشندل حالك اكده؟
ترتجف شفتاه وهي تقول بلوعه"
خوك جاد مات يا رياض حصل خوه واتحرمت منيه
حدق رياض في امه بقوة وهزها بعدم تصديق "
جاد مين اللي مات وكيف والله في سماه مصدجش اللي لما اشوفه بعيني انا هروح اعرف مين جال ان خوي مات
خرج مسرعا ليذهب الي زوجة اخية ليصطدم بعمه الشيخ ياسين الذي قال له بحزن"
البجية في حياتك يا رياض ، جولي يا ولدى هتجدر تجيب جتت اخوك ندفنه جار اهله
غامت عين رياض وضغط علي اسنانه بقوة ليكبح جماح غضبه وقال له بحدة"
مين جال ان خوي جاد مات وكيف مات وازاي وفين؟
أنت تقرأ
رواية( ملح بطعم السكر ) للكاتبة / سلمي سمير
Romanzi rosa / ChickLitالحياة محطات نعيشها ونتعايش معها ، فيها ما يسرنا وفيها ما يحزنا ،نهرب من اقدرانا التي تنتظرنا ،، وليس لنا مفرآ منها هكذا هي حياة ورد الشام التي تغيرت حياتها مرتين ، مرة يوم موت ابيها سندها وضهرها والمرة الثانية حين استيقظت ذات يوم لتنصدم بانه زوجه...
