DAY- 1
ဒီနေ့ကသူတို့နှယောက်အတွက် ပထမဆုံးယှဥ်ပြိုင်ရမဲ့နေ့ဖြစ်သည်
မာဂိုရဲ့အိမ်အခြေအနေနဲ့ပတ်၀န်းကျင်က ဘုန်းမြတ်အတွက်မရင်းနှီးသေးတာကြောင့် ဒီရက်ပိုင်းအတွင်း ဒီအိမ်ကြီးမှာပဲနေဖို့ ဘုန်းမြတ်ဆုံးဖြတ်ထားသည် အပြင်ပြန်ရောက်လဲ အကြွေးရှင်တွေပတ်လည်၀ိုင်းနေမှာထက်ဆိုင်ရင် အခုလိုပြီးပြည့်စုံနေတဲ့ စံအိမ်ကြီးမှာ ခဏလောက်မှီခိုနေလိုက်တာ ပိုကောင်းတယ်မှတ်လား
" သူဌေးက မနက်စာစားဖို့ခေါ်ခိုင်းလိုက်လို့ပါ "
Suitအပြည့်၀တ်ဆင်ပီး အရယ်အပြုံးမရှိတဲ့လူကြောင့် ဘုန်းမြတ်နည်းနည်းကြောက်လန့်မိတာတော့အမှန်....ဒီတအိမ်လုံးမှာတင် မာဂိုရဲ့သက်တော်စောင့်များစွာရှိနေတာကြောင့် ထွက်ပြေးဖို့ဆိုတာ မလွယ်ကူတဲ့ကိစ္စပင်
" Morning "
အစားအသောက်တွေအဆင်သင့် ခင်ကျင်းထားတဲ့စားပွဲမှ သူ့ကိုစိုက်ကြည့်ကာ လှမ်းနှုတ်ဆက်လိုက်တဲ့မာဂိုကြောင့် ဘုန်းမြတ်ရဲ့မျက်ခုံးတွေက တွန့်ကွေးကာ မာဂိုနဲ့မျက်နှာချင်းဆိုင်မှာ ၀င်ထိုင်လိုက်သည်
မနေ့က မာဂိုလက်သီးဖြင့်ထိုးခဲ့တာကြောင့် ဘုန်းမြတ်ရဲ့နှုတ်ခမ်းက သိသိသာသာဖူးယောင်နေသည် အစားစားဖို့တောင် အခက်အခဲဖြစ်နေတဲ့ ဘုန်းမြတ်ကြောင့် မာဂိုက သူ့တပည့်တွေကို မျက်စပစ်ပြလိုက်သည် မာဂိုအချက်ပေးတာနဲ့ လိုအပ်မဲ့ဆေးဘူးတွေကို ချက်ချင်းယူလာပေးကြသည်
" ရပီ မင်းတို့ဒီနားကနေ ထွက်သွားကြ "
" ဟုတ်ကဲ့ "
" ဘုန်းမြတ်သစ္စာ "
" ....... "
" ခင်ဗျား ကျုပ်အနားကိုခဏလာအုံး "
" မလာနိုင်ဘူး "
" ခင်ဗျားကျုပ်အနားကိုလာမလား ဒါမှမဟုတ် ခင်ဗျားရဲ့ခြေထောက်တွေကို ကျုပ်ကိုယ်တိုင်ရိုက်ချိုးပေးရမလား "
မာဂိုရဲ့ခက်ထန်နေတဲ့ပုံစံက တကယ်လုပ်မဲ့အနေအထားဖြစ်နေတာကြောင့် ဘုန်းမြတ်အံကိုကြိတ်ကာ မာဂိုရဲ့အနားကို ချဥ်းကပ်သွားလိုက်သည်
YOU ARE READING
Try To Escape Within 30Days( Completed)
Fantasyခင်ဗျားကအသားဖြူတယ် ကျုပ်ကအသားညိုတယ် မြတ်နိုးခြင်းတွေဘယ်ကစလဲမေးရင် ဖြူဥနေတဲ့ခင်ဗျားရဲ့ပါးပြင်လေးကစတယ် ဖြေမယ် ခင္ဗ်ားကအသားျဖဴတယ္ က်ဳပ္ကအသားညိဳတယ္ ျမတ္ႏိုးျခင္းေတြဘယ္ကစလဲေမးရင္ ျဖဴဥေနတဲ့ခင္ဗ်ားရဲ႕ပါးျပင္ေလးကစတယ္ ေျဖမယ္
