လွန်ခဲ့တဲ့အပတ်ထဲက အဆက်ပြတ်သွားခဲ့တဲ့တယောက်သောသူကြောင့် တည်တံ့ရဲ့စိတ်တွေကသိပ်တော့အဆင်မပြေလှ။ နောက်ဆုံးတွေ့ခဲ့တဲ့အချိန်မှစပြီး ယခုအချိန်အထိမာဂိုတို့အားနှောင့်ယှက်ခြင်းမရှိတော့တာကြောင့် အနည်းငယ်တော့အသိတရားရသွားလောက်ပြီဟု သူမှတ်ယူထားသည်
" အဆင်ပြေရင်လဲပြေတယ် မပြေရင်လဲမပြေဘူးလို့တော့အသိပေးသင့်တယ်မဟုတ်လား ဒီလူတယောက်နဲ့တော့တကယ်ခက်တာပဲ "
တယောက်ထဲရေရွတ်မိတဲ့စကားသံတွေက အထီးကျန်စွာပျံ့လွင့်ရင်း ခြေလှမ်းတွေကိုအပြင်ဘက်သို့သာဦးတည်လိုက်သည်
Ring Ring 🎶
Contactထဲ " ကိုယ့်လူ " ဟုသီးသန့်မှတ်ထားတဲ့ဖုန်းနံပါတ်လေးက မမျှော်လင့်ပဲ၀င်ရောက်လာသည်။ ဘာရယ်မဟုတ်ပေမဲ့ ထိုနံပါတ်လေးကြောင့် သူ့ရင်ခုန်သံတွေကအနည်းငယ်ပိုမြန်လာရသည်။
" Hello "
" ဘာလုပ်နေလဲ "
" ဘာလုပ်ရမှာလဲ ကျုပ်ကတော့ဒီအတိုင်းအိမ်ထဲမှာအနားယူနေတာပေါ့ လူအိပ်ချိန်ရောက်နေပြီလေ "
" အားလား "
" မအားဘူး "
" မအားရင်လဲ ထားလိုက်ပါတော့ "
" မအားလို့ လူချင်းတွေ့ကြမလား "
တုံ့ပြန်လာမဲ့အဖြေကိိုမကြားရသေးပေမဲ့ခပ်တိုးတိုးရယ်သံကို သူရှင်းလင်းစွာကြားလိုက်ရသည်။ တကယ်ပဲ ၀နမင်းထိုက်ကဘာဖြစ်ချင်နေတာလဲ!
" ဒါဆိုငါ့ဆိုင်ကိုလာခဲ့မလား အပျင်းပြေဘီယာသောက်ကြမယ်လေ "
" အဲ့လိုမျိုးကျ.... "
" မသောက်ချင်ရင်လဲရပါတယ် "
" အလုပ်အမြဲလုပ်နေရတဲ့လူတယောက်အတွက် ညဘက်ဘီယာသောက်တာအဆင်မပြေဘူးကိုယ့်လူ။ဘာလို့လဲဆိုတော့ မနက်ပိုင်းအိပ်ယာထတဲ့အခါထိုင်းမှိုင်းနေတတ်တယ် ဒါပေမဲ့ကျုပ်ကတော့ သောက်လို့အဆင်ပြေတယ် ခံနိုင်ရည်ရှိလို့လေ "
" လူချင်းတောင်မတွေ့ရသေးဘူး ဖုန်းထဲကနေဆရာကြီးလုပ်နေပြန်ပြီ အဲ့တော့မင်းကလာမှာလား မလာဘူးလား "
YOU ARE READING
Try To Escape Within 30Days( Completed)
Fantasyခင်ဗျားကအသားဖြူတယ် ကျုပ်ကအသားညိုတယ် မြတ်နိုးခြင်းတွေဘယ်ကစလဲမေးရင် ဖြူဥနေတဲ့ခင်ဗျားရဲ့ပါးပြင်လေးကစတယ် ဖြေမယ် ခင္ဗ်ားကအသားျဖဴတယ္ က်ဳပ္ကအသားညိဳတယ္ ျမတ္ႏိုးျခင္းေတြဘယ္ကစလဲေမးရင္ ျဖဴဥေနတဲ့ခင္ဗ်ားရဲ႕ပါးျပင္ေလးကစတယ္ ေျဖမယ္
