" ဘယ်လိုတောင်စောက်ရေးမပါတဲ့ကောင်က ငါ့ကားမှန်ကိုရိုက်ခွဲရဲတာလဲ !! "
ဒေါသစိတ်နဲ့အတူအပြင်ကိုအမြန်ထွက်လိုက်ပြီး ပတ်၀န်းကျင်ကိုအကဲခတ်လိုက်သည် ထုံးစံအတိုင်းဘုန်းမြတ်ကိုရန်ရှာနေတဲ့လူတွေကြောင့် မာဂိုအသက်ပြင်းပြင်းရှုကာ သူ့အင်္ကျီလက်ကိုတံတောင်ထိခေါက်တင်လိုက်သည်
" မာဂိုမင်း၀ေး၀ေးမှာနေ ငါ့ပြဿနာငါပဲရှင်းမယ် "
သူ့ကိိုမလာဖို့လှမ်းတားနေတဲ့ဘုန်းမြတ်ကြောင့် မာဂိုရဲ့ခြေလှမ်းတွေကရပ်တန့်သွားသည် ခဏချင်းမှာတင်ဘုန်းမြတ်ရဲ့မျက်နှာပေါ်ကျရောက်လာတဲ့တဖက်လူရဲ့လက်သီးပြင်းပြင်းကြောင့် ဘုန်းမြတ်အနောက်သို့ယိုင်ကျသွားသည် ဘာကိုမှပြန်မခုခံပဲငြိမ်ခံနေတဲ့ဘုန်းမြတ်ကြောင့် မာဂိုပို၍စိတ်အလိုမကျဖြစ်လာရသည်
" ဟိုကောင်!! "
ခါးထောက်ကာလှမ်းအော်လိုက်တဲ့မာဂိုကြောင့် တဖက်လူမှာမာဂိုကိုလှည့်ကြည့်လာသည်
" မင်းဘယ်သူ့ကိုခေါ်နေတာလဲ "
" ဘယ်သူ့ကိုခေါ်နေတာလဲဆိုတော့ ကျုပ်မျက်စိထဲကန့်လန့်ဖြစ်နေတဲ့ခင်ဗျားကိုခေါ်တာ "
သူ့ကိုလက်ညိုးထိုးကာစိုက်ကြည့်လာတဲ့မာဂိုကြောင့် လက်ထဲမှသစ်သားတုတ်ကိုသေချာဆုပ်ကိုင်ကာ မာဂိုထံချဥ်းကပ်လာလိုက်သည်
" မင်းကငါ့အကြောင်းမသိသေးဘူးထင်တယ် ငါ့အကြောင်းသိသွားမှငါ့ရှေ့မှာဒူးထောက်နေရမယ်နော် "
ထိုလူစကားဆုံးတာနဲ့မာဂိုက သူ့အင်္ကျီအတွင်းအိတ်ထဲလက်နှိုက်ဟန်ပြုကာ တဖက်လူရဲ့ခြေထောက်ကိုပဲအာရုံစိုက်ထားလိုက်သည်
" ကျုပ်ရဲ့လက်တွေပြန်ထွက်လာနဲ့ ခင်ဗျားခြေထောက်ကိုတသတ်လုံးလမ်းလျှောက်မရအောင်လုပ်ပြမယ် "
မာဂိုရဲ့အကြည့်တွေမှာစူးရှနေပြီး သူ့ကိုတောင်ကြောက်ရွံ့တဲ့ပုံစံမပေါက်တာကြောင့် မာဂိုကလျှော့တွက်လို့မရတဲ့အထဲမှာပါကြောင်း တဖက်လူသတိပြုမိသည် ကုတ်အင်္ကျီအိတ်ကပ်ထဲငြိမ်သက်နေတဲ့မာဂိုရဲ့လက်တဖက်က ရုတ်တရက်ဆိုသလိုလျှင်မြန်စွာထွက်လာပေမဲ့ ကြယ်သီးနဲ့နာရီညှိမိကာ လက်ထဲမှပစ္စည်းကအောက်ပြုတ်ကျသွားသည် အမြန်ကောက်ဖို့ပြင်နေတဲ့မာဂိုရဲ့ပုံစံကြောင့် တဖက်လူမှာမာဂိုထက်လျှင်မြန်စွာအမြန်ဒူးတဖက်ထောက်ကာ ကောက်ယူလိုက်သည် သေနတ်ဖြစ်မည်ဟုတွေးတောကာ အမြန်ကောက်ယူလိုက်သော်လဲအနက်ရောင်မီးခြစ်ဘူးဖြစ်နေတာကြောင့် တဖက်လူမှာတွေ၀ေသွားသည် သတိပြန်ကပ်ကာသူ့ကိုယ်သူအကဲခတ်လိုက်ကာမှ မာဂိုရဲ့အရှေ့မှာဒူးတဖက်ထောက်ပြီးအရိုအသေပေးနေသလိုဖြစ်နေသည် လက်သီးကိုဆုပ်ကာခေါင်းမော့ကြည့်လိုက်တော့ မာဂိုထိုက်စံရဲ့မျက်ခုံးတဖက်မှာသူ့ကိုပင့်ပြကာ " ဘာတတ်နိုင်သေးလဲ "ဆိုတဲ့အထာနဲ့ခပ်ရွဲ့ရွဲ့ပြုံးပြလိုက်သည် ဥာဏ်များတဲ့မာဂိုရဲ့လှည့်ကွက်ထဲ သူကောင်းကောင်းကြီးထောင်ချောက်မိသွားပြီဖြစ်သည်
YOU ARE READING
Try To Escape Within 30Days( Completed)
Fantasyခင်ဗျားကအသားဖြူတယ် ကျုပ်ကအသားညိုတယ် မြတ်နိုးခြင်းတွေဘယ်ကစလဲမေးရင် ဖြူဥနေတဲ့ခင်ဗျားရဲ့ပါးပြင်လေးကစတယ် ဖြေမယ် ခင္ဗ်ားကအသားျဖဴတယ္ က်ဳပ္ကအသားညိဳတယ္ ျမတ္ႏိုးျခင္းေတြဘယ္ကစလဲေမးရင္ ျဖဴဥေနတဲ့ခင္ဗ်ားရဲ႕ပါးျပင္ေလးကစတယ္ ေျဖမယ္
