မွန်းကျပ်နေတဲ့ခံစားချက်တွေက ထိုအမျိုးသားငယ်ရဲ့ကျောပြင်ထက်ခေါင်းမှီလိုက်တာနဲ့ ပြေလျော့သွားရသည် မ၀ံ့မရဲဖက်ထားတဲ့လက်နှဖက်ကို သူ့အားနဲ့သာအသက်ရှုကျပ်တဲ့အထိဖက်ထားချင်မိသည် လေဟာနယ်ကြားပျံ့လွင့်လာတဲ့ ထိုအမျိုးသားရဲ့lavenderကိုယ်သင်းနံ့ကိုသူကျေနပ်စွာပြုံးပြီး ခိုးရှုမိသည် အိမ်အမြန်ပြန်ရောက်မှာစိုးလို့ လမ်းမှာမိုးတွေရွာပါစေလို့သာ စိတ်ထဲရေရွတ်မိတဲ့အထိပင်...
စိတ်ကူးအတွေးထဲမျောလွင့်နေတုန်း ရုတ်တရက်ဆိုင်ကယ်ကို လမ်းဘေးထိုးရပ်လိုက်တဲ့ဘုန်းမြတ်ကြောင့် သူ့နဖူးနဲ့ဘုန်းမြတ်ကျောပြင်က မိတ်ဆက်ပြီးသားဖြစ်သွားရသည်
အလိုမကျစွာအော်ငေါက်ဖို့ပြင်လိုက်ပေမဲ့ ဘုန်းမြတ်ရဲ့အကြည့်တွေက အခြားတဖက်ကိုဦီးတည်နေတာကြောင့် သူကိုယ်တိုင်ဘုန်းမြတ်ရဲ့အကြည့်ဦးတည်ရာကို လှမ်းကြည့်မိသည် ကော်ဖီဆိုင်အတွင်းမှ အပြုံးချင်းဖလှယ်ကာတွဲလက်တွေကိုမဖြုတ်တမ်းဆုပ်ကိုင်ပြီးထွက်လာတဲ့စုံတွဲကြောင့် ဘုန်းမြတ်ရဲ့အကြည့်တွေမှာစူးရှနေသည်
" ဘုန်းမြတ် "
" ငါ့ခါးကိုသေချာဖက်ထားမာဂို ဆိုင်ကယ်အမြန်မောင်းရင်မင်းပြုတ်ကျသွားလိမ့်မယ် "
ဘုန်းမြတ်ရဲ့စကားအတိုင်း သူ့လက်နှဖက်ကိုဘုန်းမြတ်ရဲ့ခါးပေါ်တင်းကျပ်နေအောင်ဖက်ထားလိုက်သည် အရှိန်နဲ့ထွက်ခွာတဲ့အမြန်နှုန်းကြောင့် အသက်ကိုပင်မနည်းအောင့်ထားရသည်
" ဖြည်းဖြည်းမောင်းစမ်းပါကွာ "
" ငါ့စိတ်ကြိုက်မောင်းလို့ရမလား စိတ်လွတ်ပြီးမောင်းချင်တယ် "
ဘုန်းမြတ်ရဲ့စကားကြောင့် သူ့ခန္ဓာကိိုယ်ကိုအရှေ့ပိုတိုးကာ ဘုန်းမြတ်ရဲ့ခါးကိုပိုဆုပ်ကိုင်ထားလိုက်သည်
" စိတ်တွေလွတ်ပြီး လောကကြီးကိုပါမေ့သွားတဲ့အထိမောင်းလိုက် "
မာဂိုထံမှခွင့်ပြုချက်ရတာနဲ့ ဘုန်းမြတ်ဆိုင်ကယ်ကိုအရှိန်မြင့်ကာ မောင်းနှင်လိုက်သည် မာဂိုကတော့မျက်လုံးကိုစုံမှိတ်ကာ ထိုအမျိုးသားရဲ့ကျောပြင်ထက်ခေါင်းမှီထားသည်
မာဂိုဆုတောင်းထားတဲ့အရာများက အိမ်ပြန်ရောက်ခါနီးမှပြည့်၀လာသည် ခြံထဲ၀င်ကာမှ မိုးရွာချလာတာကြောင့် မာဂိုမျက်မှောင်ကျုံ့ကာ စိတ်ထဲမှကျိန်ဆဲလိိုက်သည် ။
YOU ARE READING
Try To Escape Within 30Days( Completed)
Fantasyခင်ဗျားကအသားဖြူတယ် ကျုပ်ကအသားညိုတယ် မြတ်နိုးခြင်းတွေဘယ်ကစလဲမေးရင် ဖြူဥနေတဲ့ခင်ဗျားရဲ့ပါးပြင်လေးကစတယ် ဖြေမယ် ခင္ဗ်ားကအသားျဖဴတယ္ က်ဳပ္ကအသားညိဳတယ္ ျမတ္ႏိုးျခင္းေတြဘယ္ကစလဲေမးရင္ ျဖဴဥေနတဲ့ခင္ဗ်ားရဲ႕ပါးျပင္ေလးကစတယ္ ေျဖမယ္
