Sweety 1920s (Completed)

(16)Unicode

ရိပေါ်  နိုးလာတော့ နေ​ပြောက်သေးသေးတွေတောင်  မှန်ပြတင်းကနေတစ်ဆင့် လိုက်ကာကြားက တိုးဝင်ဖြာကျနေပြီပဲ
ဖြစ်တယ်။ သူညက ဆေးအရှိန်နဲ့အစောကြီး အိပ်ပျော်သွားခဲ့တာပဲ။ ရင်ဘတ်ပေါ်ကစောင်ကို အသာလှပ်လိုက်ပေမဲ့ တော်တော်နဲ့ဆွဲမရ။ နာကျင်လေးဖင့်နေတဲ့ ခေါင်းကို အနည်းငယ်စောင်းငဲ့ကြည့်လိုက်တော့ ကုတင်ပေါ်မေးတင်ပြီး အိပ်ပျော်နေပါသော သူ့ရဲ့ အသည်းညှာလေး ကျန့်ကျန့် ။

ဖိစောင်းအိပ်ထားတာမို့ ပါးတစ်ဖက်က လုံးလုံးကလေးထွက်နေလိုက်သေး။ နှုတ်ခမ်းကလေးဟာလည်း စူလို့ ထော်လို့ရယ်။ တစ်ညလုံး ဒီပုံစံနဲ့များ အိပ်ပျော်နေသလားပဲ။ ညောင်းကိုက်ကုန်တော့မှဖြင့်။
ခုလိုမျိုး ဖြစ်သလိုအိပ်နေတာလေး မြင်ရတဲ့အခါ ရိပေါ်စိတ်မကောင်း။
ကျကျနနအိပ်စေချင်ပါသော်လည်း မနှိုးရက်ပြန်တာမို့  ကျန့်ကျန့်နဖူးပေါ် ဝဲကျချင်နေတဲ့ ဆံပင်ကလေးတွေကိုသာ လက်ညှိုးလေးနဲ့ ဖွဖွသပ်တင်ပေးနေလိုက်တော့တယ်။

မနေ့က ဩဂုတ်လ ၅ ရက် ၊ ရိပေါ် ရဲ့မွေးနေ့။ ကျန့်ကျန့်နဲ့မတွေ့ရတာကြာနေပြီမို့ မရရအောင်ခေါ်ထုတ်ပြီး ညနေစာကျွေးဖို့ ပြင်ဆင်ထားပြီးသား။ ဖြစ်ချင်တော့ ပွဲရုံကို ရိပေါ်နာမည်နဲ့ အိတ်ဖွင့်စာတစ်စောင်ရောက်လာတယ်။ သေချာပေါက် ဟောင်ကောင်ပွဲစား စတီဗင်လီရဲ့ အစွယ်အပွါးတွေပေါ့။ ဒီကိစ္စကို ဒီမှာတင်အပြတ်ဖြတ်ချင်တာမို့  သူတို့ချိန်းဆိုတဲ့ အနောက်ဘက်ရေကန်ဆီ သွားဖြစ်ခဲ့တယ်။

ကောင်းကင်တစ်ခွင်လုံး အုံ့အုံ့မှိုင်းမှိုင်းမို့  အနောက်ဘက်ကန်မှာ လူသူခြောက်ကပ်လို့နေတယ်။ ၈ ယောက် ၁ယောက္မို့ လူအင်အားချင်းမမျှပေမဲ့ ကိုယ်ခံပညာကိုအသုံးချနိုင်စွမ်းတဲ့ ရိပေါ်ကြောင့် တစ်ဖက်လူရဲ့ တပည့်တပန်းတွေကို အလျင်အမြန် လှဲသိပ်လိုက်နိုင်တယ်။ ခေါင်းဆောင်ဖြစ်ပုံရတဲ့ လူနဲ့ကတော့ လက်ရည်မကွာတာရယ် ၊ ခြေကုန်လက်ပန်းကျနေချိန်ရယ်မို့  အတော်လေး ခုခံလိုက်ရတယ်။

နောက်ဆုံးရိပေါ်ဘက်က အထိနာတဲ့အချိန် ရုတ်တရက် သစ်သားတုတ်နဲ့ ဝင်ရိုက်တဲ့သူက ရိပေါ်ရဲ့ ချစ်ရပါသောလေး။ စိုးထိတ်ပူပန်ရပေမဲ့  မိုးကသည်းလာတာကြောင့် ဒဏ်ရာတွေနဲ့ရိပေါ်ဟာ ကျန့်ကျန့်ကို
ကာကွယ်မပေးနိုင်ခဲ့သလို  စကားသံသေးသေးလေးတောင် ထွက္မလာနိုင်ခဲ့ဘူး။မိုးရေစက်တွေကြား မျက်လုံးကိုအားယူ
ဖွင့်ပြီး  ကျန့်ကျန့်ကို မျက်ခြေမပြတ်ကြည့်နေခဲ့ရတာ။ နောက်ဆုံး တစ်ဖက်လူ မှောက်သွားချိန်မှပဲ ရိပေါ်လည်း သက်ပြင်းချနိုင်တော့တယ်။