ခြေဆစ်လေးတွေကအစအဆင်ပြေအောင်
နှိပ်နယ်ပေးသည်။
သေချာလေးဂရုတစ်စိုက်ပြုမှုပေးခဲ့ခြင်းသည် ဟန်ဆောင်ခြင်းတွေမပါခဲ့...။
သူ့အလုပ်တစ်ခုလိုစေတနာပါပါအေးအေးဆေးဆေးလေး...။
ယောင်္ကျားလေးတစ်ယောက်ကတခြားယောင်္ကျားလေးတစ်ယောက်အပေါ် ထို့သို့နူးနူးညံ့ညံ့ပြုမှုခြင်းသည် ထူးဆန်းနေမလားမသိပေမယ့် အလိုအလျောက်ဖြစ်ပေါ်လာသော
ဂရုစိုက်ပေးချင်သောစိတ်သည်ထိန်းမရခဲ့...။
ဒီအမျိုးသားငယ်လေးနဲ့မှ
သေချာပေါက် လွန်လွန်ကဲကဲစေတနာတွေပိုနေခဲ့သည်။
"ရပါပြီ သူဋ္ဌေးလေး"
"ကျွန်တော့်ကို သူဋ္ဌေးလေးလို့မခေါ်နဲ့"
"ဗျာ!"
"ကျွန်တော့်မှာနာမည်ရှိတယ် သူဋ္ဌေးလေးမဟုတ်ဘူး"
"ကျွန်တော်က သူဋ္ဌေးလေးမို့သူဋ္ဌေးလေးလို့ခေါ်တာလေ သူဋ္ဌေးလေးလို့မခေါ်လို့
ဘယ်လိုခေါ်ရမလဲ သူဋ္ဌေးလေးရဲ့"
မခေါ်ပါနဲ့ ဆိုကာမှ သူဋ္ဌေးလေးကြီး
ထပ်နေအောင်ခေါ်နေသောကြောင့်
နှင်းဆီငယ်လေးမျက်နှာအလိုမကျသလို
ရှုပ်မဲ့သွားသည်။
"အဲ့သူဋ္ဌေးလေးဆိုတာကြီးကိုမခေါ်ပါနဲ့တော့
နားတွေလည်းယားလာပြီ
တောဆန်လွန်းတယ်
နာမည်ပဲခေါ်ပါရတယ်"
ရင်းရင်းနှီးနှီးခေါ်စေချင်တယ် လို့ပြောလိုက်လည်းရပေမယ့် ဂျစ်တိဂျစ်ကန်လေးက
သူ့နည်းသူ့ဟန်အတိုင်းပဲ...။
"ဟုတ်ကဲ့ ဂျီမင်းရှီ လို့ခေါ်ပါ့မယ် သူဋ္ဌေးလေး"
"ခင်ဗျားကတော့နော်"
"နှုတ်ကျိုးနေပြီ သူဋ္ဌေးလေးရဲ့"
ရယ်သွေးဖြန်းတဲ့
မျက်စောင်းသေးသေးလေး...
အသဲယားစရာအကောင်းဆုံးအဖြစ်
စံချိန်တင်စရာကောင်းလောက်အောင်
ချစ်စရာရယ်...။
စူးစူးစိုက်စိုက်ငေးမိနေတဲ့ မျက်ဝန်းစူးစူးတွေကရော ဘာထူးသေးလဲ
လှ၍လှလွန်းပါသောအကြည့်များသည်
စံချိန်တင်လောက်ရအောင်ကြည်နူးစရာ...။
ပြိုင်ဘက်ကင်းသောစံချိန်တင်မှုလေးတွေသည်
ခြေတံရှည်အိမ်လေးထဲ နူးနူးညံ့ညံ့လေး...။
YOU ARE READING
နှင်းဆီရိုးခိုင်
Fanfictionနှင်းဆီတွေဘယ်လောက်လှလှ ရိုးခိုင်းတွေမရှိတော့ရင် အသုံးမဝင်တဲ့ ပွင့်ချက်လွှာသက်သက်ပဲလေ ဘယ်လိုလှနိုင်အုံးပါ့မလဲ...။ Start♡April 1 2022 End ♡ July 31 2022
