الكاتبه:: اساور احمد
يا اسود رمش
هنيال لون الليل
چي لنّه وية عينك دوم يتودد
عريان السيد خلف
ـــــــــــــــــــــــــــــــــــــــــــــــــــــــــــــــ
بسم الله الرحمن الرحيم
.
.
.
.
.
.
.
.... المكان:- الموصل،،، ساعه 5:22 صباحا
.. كعدت ع صوت امي
الام:- يله امي كعدي حضري الريوك عندج دوام
دنيا:- كاعده ماما كاعده.... كمت غسلت وجهي وكلي نشاط رحت للمطبخ احضر ريوك لان ماما عدها روماتيزم برجليها ويأذوها كوه تمشي
وصارلي كم شهر ع هل حال اكعد احضر الريوك وانضف واروح لجامعتي
كلش فرحانه وصلت لهل مرحله بدراستي وفرحانه من اشوف دعم اهلي وخاصه ابويه وهو يشجعني ويحفزني اكمل دراستي واصير دكتوره مثل ما چنت بطفولتي اسولفلهم
وديسعى يوصلني لحلمي ووياي هوه وامي واخويه بكل خطوة من حياتي
.. دااحضر ريوك اجه حيدر
حيدر:- صباح الخير دنيا
ــ هلو صباح النور
ــ الريوك جاهز
.ــ اي هسه بس بابا يجي اجه ابوي وكعدو ع ريوك صبيت وكعدو ياكلون
ردت اطلع من الصاله بابا كال.... وين دنيا بويه تعالي تريكي
ــ لا بابا مو جوعانه
حيدر:- عوفها بويه هسه عاد حيدر انطيني فلوس مانطيج لو تموتين تعالي تريكي ترا مانطيج فلس
ــ باوعت علي صفح.. شكرا ماريد وبابا ينطيني
بابا ابتسم.. يلا بويه اني انطيج
... رحت لملمت البيت باوعت ساعه ٦:١٥ رحت لميت الريوك وغسلت المواعين ودخلت ابدل
لبست بنطرون جينز اسود وبدي ابيض وستره لحد الركبه سوده وحذاء رياضي ابيض وجنطه وحجاب بيجي هيج احب انسق بل الوان
اجه الخط... صعدت شفت البنات
ــ صباح الخير عمو
ــ هلا بنيتي صباح النور
ــ صبحت ع البنات هم
أنت تقرأ
احببت مُنقذي(داعش)
General Fictionهيَ فتاة كانت من أشد المحبين لأخيها كانت المدلله والوحيده لاهلها شأئت الضروف وتغير هذا الأخ فجأة وغير حياتها من استقرار إلى تشرد وذلول حتى صادفت ذات يوم ثلاث شبان غيارا شاء القدر لتلتقي بهم ليكونوا لها سند ولكن واحدا منهم شاء القدر وأصبح من الراحلين...
