စတင်လွဲမှားခြင်း
"ပါး သွားကြမယ်လေ လေယာဉ်နောက်ကျတော့မယ်"
15နှစ်အရွယ်ကောင်လေးဝမ်ရိပေါ်ရဲ့အသံကစံအိမ်တစ်အိမ်လုံးမှာပျံ့လွင့်နေတယ်။ ဒီအသံလေးကအိမ်ရဲ့ဆည်းလည်းလေး...။
"လာပြီဗျာ လာပြီ ပါးတို့သွားကြစို့"
အောက်ထပ်ကိုခရီးဆောင်အိတ်ဆွဲရင်းဆင်းလာတဲ့ဝမ်ပါပါးရဲ့အသက်ကဝမ်ရိပေါ်ဖြစ်တယ်။ အမေမရှိတော့တဲ့ဝမ်ရိပေါ်ကိုဝမ်ပါးကဘယ်လောက်အလိုလိုက်သလဲဆိုတာဘယ်သူ့ကိုမှအထူးတလည်မေးကြည့်နေဖို့မလိုတဲ့အထိပါပဲ။
ဝမ်ပါးပါးသွားရမယ့်ခရီးကချုံချင်းဆိုတဲ့တောင်တွေပေါတဲ့မြို့လေးကိုပေါ့။ အရေးကိစ္စကြောင့်သွားရမှာဆိုပေမယ့် သားတော်မောင်ကလိုက်ချင်ပါတယ်ဆိုတော့ ဝမ်ပါးပါးကအသဲမာပြီးမထားခဲ့နိုင်ပြန်ဘူး။
လေယာဉ်ပေါ်ကနေဆင်းတာနဲ့ရိပေါ်လေကိုတဝရှူရှိုက်လိုက်တယ်။ တောင်ပေါ်ဒေသရဲ့လေထုကချိုမြိန်ပြီးလတ်ဆတ်တယ်။
"ပါး အလုပ်ကိစ္စကြောင့်လာတာဆိုဘယ်နှစ်ရက်လောက်နေမှာလဲ"
"ခဏလောက်ပဲပေါ့ဝမ်လေးရဲ့ ပြီးရင်တော့ပါးတို့ပြန်ရမှာပေါ့"
"ချုံချင်းမှာအသိရှိလား ပါး"
"ရှိတယ် သူငယ်ချင်းတစ်ယောက်ရှိတယ် အခုသူ့ဆီကိုလာတာသားရဲ့ လာ...သားရောက်ရင်သိလိမ့်မယ် သွားရအောင်"
ရှေ့ကိုတဖြည်းဖြည်းချင်းဆီလျှောက်လာခဲ့ရင်း လေတစ်ဖြူးဖြူးတိုက်နေတဲ့ကုန်းမြင့်ရဲ့ထိပ်ပိုင်းကတစ်ထပ်တိုက်လေးဆီရောက်လာခဲ့တယ်။
"ပါး ဒါကဘယ်နေရာလဲ"
"ဒါက...ပါးသူငယ်ချင်းရဲ့အိမ်"
ဝမ်ရိပေါ်ရဲ့ပါးကစောစောစီးစီးအိမ်ထောင်ကျခဲ့တာ။အခုရိပေါ်ရဲ့အသက်15နှစ်မှာ ဝမ်ပါးရဲ့အသက်က33နှစ်ပဲရှိပါသေးတယ်။
"ရှောင်းကျန့်!!"
ဝမ်ပါးပါးလှမ်းခေါ်တဲ့ဆီကို15နှစ်သားကောင်လေးဝမ်ရိပေါ်ကလှမ်းကြည့်လိုက်တယ်။ ရိပေါ်ရှေ့မှာမြင်နေရတဲ့လူကအဖြူရောင်တီရှပ်ပေါ်မှာပြာနုရောင်လက်တိုကိုကြယ်သီးမတပ်ပဲထပ်ဝတ်ထားတယ်။ပေါ့ပေါ့ပါးပါးဘောင်းဘီအရှည်ပွပွလေးနဲ့....။
ပန်းချီကားချပ်ကိုစူးစူးစိုက်စိုက်သေချာကြည့်နေတဲ့မျက်လုံးတွေကလှလိုက်တာ။ ဆေးစုတ်တံကိုကိုင်ထားတဲ့လက်တွေကငြိမ်နေတာပဲ...။
YOU ARE READING
ᴊᴜꜱᴛ ᴄᴀʟʟ ᴍᴇ " 𝙳𝚊𝚍𝚍𝚢 " [ On Going ]
Fanfiction" ကိုယ့်ကိုသာ daddy လို့ခေါ်လိုက်စမ်းပါ! " "Daddy ရဲ့အဓိပ္ပာယ်က အဖေ ဒါပေမယ့်..... ဒီ daddy ကတော့ ခင်ဗျားရဲ့ တစ်ခုတည်းသောမှီခိုရာလို့ အဓိပ္ပာယ်ရတယ်"
![ᴊᴜꜱᴛ ᴄᴀʟʟ ᴍᴇ " 𝙳𝚊𝚍𝚍𝚢 " [ On Going ]](https://img.wattpad.com/cover/308603461-64-k784540.jpg)