ရိပေါ်နဲ့ရှောင်းကျန့်ကြားမှာစကားမပြောဖြစ်တဲ့အချိန်တွေပိုများလာကြတယ်။မတွေ့ဖြစ်အောင်ရှောင်တဲ့အချိန်တွေကအရင်အတူတူရှိခဲ့တဲ့အချိန်တွေအစားဝင်လာခဲ့တယ်။
"ရှောင်းကျန့် ကျွန်တော်ခင်ဗျားကိုသူငယ်ချင်းတွေနဲ့မိတ်ဆက်ပေးမယ် ခင်ဗျားလိုက်ခဲ့ချင်လား"
"ငါမလိုက်ချင်ဘူးရိပေါ်"
"ကောင်းပြီ အဲ့တာဆို...ကျွန်တော်အောက်ထပ်မှာပဲရှိနေမယ်"
အိမ်အောက်ထပ်ကိုဆင်းသွားတဲ့ရိပေါ်ရဲ့ကျောပြင်ကိုရှောင်းကျန့်အချိန်ခဏလောက်ကြည့်လိုက်မိတယ်။ဘာလို့မှန်းမသိ ဒီကျောပြင်ကအရမ်းဝမ်းနည်းစရာကောင်းတယ်။
"ရိပေါ်လာပြီလား"
ရိပေါ်အောက်ထပ်ကိုဆင်းလာတာနဲ့အယ်လီယာ့ကိုအရင်တွေ့ရတယ်။သူမရဲ့အသံစွာစွာကအရင်ဆုံးထွက်လာတော့တာပဲ။
"ဝမ်ရိပေါ် မင်းကိုမတွေ့ရတာဘယ်လောက်တောင်ရှိနေပြီလဲ! ငါတို့သာလာမတွေ့ရင်မင်းနဲ့တွေ့တောင်တွေ့ရပါဦးမလား"
"ဒီရက်ပိုင်းနည်းနည်းနေသိပ်မကောင်းလို့ငါမလာဖြစ်တာ"
"ရိပေါ်နေမကောင်းဘူးလား"
သူ့နဖူးကိုစမ်းဖို့လုပ်တဲ့အယ်လီယာရဲ့လက်ဖဝါးကြောင့်ရိပေါ်နောက်ကိုရှောင်လိုက်တယ်။
"သက်သာလာပါပြီ"
"ရိပေါ်! ဒီအိမ်အကြီးကြီးတစ်ခုလုံးမင်းတစ်ယောက်တည်းလား"
သူငယ်ချင်းတစ်ယောက်ရဲ့အမေးကိုရိပေါ်ဖြေလုဆဲဆဲမှာပဲအယ်လီယာကအရင်ဦးအောင်ဝင်ဖြေလိုက်တယ်။
"အိမ်အကူတွေရှိသေးတယ်လေ ပြီးတော့ငါလည်းအမြဲလာနေတာ"
"အဲ့တော့သူတစ်ယောက်တည်းနေတယ်ပဲပြောပါတော့"
"နင်တို့ကိုငါပြောပြမယ် တစ်ယောက်ရှိသေးတယ် ရိပေါ်ရဲ့သဘောကျတဲ့ပစ္စည်းလေးလေ"
"အယ်လီယာ!"
ရိပေါ်တစ်ချက်ဝင်ဟန့်လိုက်တယ်။ဒါပေမယ့်အယ်လီယာကဂရုစိုက်ပုံမပေါ်ပဲ ဘာမှမဟုတ်တဲ့ကိစ္စလေးပဲကိုဆိုတဲ့ပုံစံနဲ့ဆက်ပြောဖို့ပြင်တယ်။
ESTÁS LEYENDO
ᴊᴜꜱᴛ ᴄᴀʟʟ ᴍᴇ " 𝙳𝚊𝚍𝚍𝚢 " [ On Going ]
Fanfic" ကိုယ့်ကိုသာ daddy လို့ခေါ်လိုက်စမ်းပါ! " "Daddy ရဲ့အဓိပ္ပာယ်က အဖေ ဒါပေမယ့်..... ဒီ daddy ကတော့ ခင်ဗျားရဲ့ တစ်ခုတည်းသောမှီခိုရာလို့ အဓိပ္ပာယ်ရတယ်"
![ᴊᴜꜱᴛ ᴄᴀʟʟ ᴍᴇ " 𝙳𝚊𝚍𝚍𝚢 " [ On Going ]](https://img.wattpad.com/cover/308603461-64-k784540.jpg)