နော်ဝေးနိုင်ငံရဲ့ရာသီဥတုကအတော်လေးအေးနေပြီ။ တရုတ်မှာရောဒီအချိန်နှင်းကျနေလောက်ပြီလား။
ရိပေါ်ကော်ဖီတစ်ခွက်ကိုလက်ကကိုင်ရင်းနှင်းတွေထဲကိုတိုးထွက်လိုက်တယ်။ထင်းရှူးပင်တွေပေါ်မှာတောင်နှင်းတွေတင်နေတဲ့အထိရာသီဥတုကဆောင်းရောက်တဲ့အကြောင်းဖော်ပြနေပြီ။နှင်းတွေထဲကိုခြေထောက်နစ်ဝင်သွားတဲ့အထိလမ်းတစ်ခါလျှောက်တိုင်းနှင်းတွေရဲ့ထူထဲသိပ်သည်းမှုကိုနော်ဝေးမှာစတင်ခံစားနေရပြီ။တရုတ်မှာရောဒီအချိန်ဆိုအရမ်းအေးနေလောက်ပြီလား။
"ဟယ်လို!"
"ကျွန်တော်တစ်ခုလောက်မေးချင်လို့!"
တစ်ဖက်ကလူရဲ့စကားသံအဆုံးမှာရိပေါ်ကသူ့မေးခွန်းကိုနောက်တစ်ကြိမ်ပြန်စဉ်းစားလိုက်တယ်။ဒီမေးခွန်းကို သူမေးသင့်ရဲ့လားဆိုတာသူမသိဘူး။
"အဟမ်း! ထွေထွေထူးထူးမဟုတ်ပါဘူး အရေးလည်းမကြီးပါဘူး"
"ဟိုလူ! ဟိုလူနေကောင်းရဲ့လား!"
သူ့ရဲ့အမေးကိုတစ်ဖက်ကနားမလည်သလို'ဘယ်သူ့ကိုပြောတာလဲသခင်လေး'ဆိုတဲ့အမေးစကားကြောင့်ရိပေါ်မျက်ရိုးတွေကိုလက်မနဲ့ဖိထားရလောက်အောင်ခေါင်းမူးသွားရတယ်။
ဟိုလူဆိုမှတော့ဟိုလူပဲပေါ့!
သူ့မှာအဲ့ဒီတစ်ယောက်ကလွဲရင်တခြားသူရှိလို့လား။"ရှောင်း...ရှောင်းကျန့် သူ...အိမ်မှာရှိလား"
"ဘာမှမဟုတ်တော့ဘူး ဘာမှမပြောနဲ့တော့ ထားလိုက် မမေးခဲ့ဘူးလို့ထားလိုက်!"
ဖုန်းကျသွားတဲ့အသံနဲ့အတူရိပေါ်ကအာခံတွင်းထဲကအငွေ့တွေကိုအပြင်ဘက်ကိုမှုတ်ထုတ်လိုက်တယ်။
နောက်ထပ်တစ်လပါပဲ။ ဒါပြီးရင်သူအဲ့ဒီလူကိုထပ်တွေ့ရတော့မှာ။ သူမကျေနပ်တဲ့လူမလို့မေ့မသွားချင်ရုံပါပဲ။ညဘက်ရောက်လာတာနဲ့အမျှအအေးဓာတ်ကပိုပြီးသိပ်သည်းလာခဲ့သလို ပတ်ဝန်းကျင်ကလည်းတိတ်ဆိတ်လာခဲ့တယ်။စကားတစ်ခွန်းရှိတယ်။
'ပတ်ဝန်းကျင်ကတိတ်ဆိတ်လေလေ အတွေးသံကပိုကျယ်လေလေ' တဲ့။ရိပေါ်ရဲ့အတွေးတွေကအဲ့ဒီညမှာဆူညံနေခဲ့တယ်။
ESTÁS LEYENDO
ᴊᴜꜱᴛ ᴄᴀʟʟ ᴍᴇ " 𝙳𝚊𝚍𝚍𝚢 " [ On Going ]
Fanfic" ကိုယ့်ကိုသာ daddy လို့ခေါ်လိုက်စမ်းပါ! " "Daddy ရဲ့အဓိပ္ပာယ်က အဖေ ဒါပေမယ့်..... ဒီ daddy ကတော့ ခင်ဗျားရဲ့ တစ်ခုတည်းသောမှီခိုရာလို့ အဓိပ္ပာယ်ရတယ်"