كفي والمنجمه
للكاتبه Leo Alfatlawi
بارت الاول
تم حذف التعيقات بسبب اعادة نشر القصة من جديد
اي تجاوز بحق الابطال وحرق الاحداث يتم حضر العضو مباشرتا
من قررت البطلة تكتب قصتها حتى تتعلمون من اخطائها مو تتجاوزون بحقها
ياريت محد يقيس حياته الشخصيه على حياة الغير ويعلق على حساب هذا الشي
"علقوا بين الفقرات "
"البارت الاول"
عندما اعطيتها كفي وقت ذاك قالت لي العرافة
امسحي دموعك فمن ابكاك ظلمآ سيبكيه الله قهراً
والذي أعطاك عينيه لاتجازيه بالعمى
اسمع صوت صعدته على الدرج عرفته وصل بدت دكات كلبي تتسارع ويه سرعة خطواته
الباب مقفول والشباج محكم بس هذا كله مراح يحسسني بالأمان ولو بشي قليل من كمية الخوف والرعب الي داحس بي
الباب تندگ دگه خفيفه ويه كل دگه يموت جزء مني
غمضت عيوني وسديت ذاناتي بأدية ما اريد اسمع شي بس جان يتخلل بداخلي صوته غصباً عني
وهو يكول غزززل ادري بيج كاعده فتحي الباب ليش اكسره واخذ روحج
امبين من صوته الثگيل ثمل لدرجة اذا دخل راح يخلص عليه وهو ماحاس
اباوع بدت يدة الباب تتحرك عرفته يحاول يكسرها طلعت الشهكة غصباً عني خليت ايدي على حلگي مااريد صوتي يطلع ويعرفني گاعده
جسمي يرجف والخوف اخذ جزء من روحي
ودموعي غصباً عني تنزل مااكدر اسيطر عليهن
بلش يتوسل افتحله الباب بعد ماتعب من تهجمه والسب والغلط الگاله
اسمع مثل كل يوم بچي وتوسله انو ارد عليه جان موبوعيه ما منتظم بالكلام يهدد يتوسل يبجي
تعودت اوصل ويا مرحلة الانهيار وافقد كل طاقتي بالتحمل مرت ساعة واني على وضعي كرهت روحي والليل ووجودي ويا
اشوكت الله يتوب عليه واخلص من هذا الوضع اشوكت اعيش مثل باقي البنات خليت راسي على الباب غمضت عيوني مقهوره على حاله
ماراح اكدر احبك ولاراح يجي يوم احبك لويش دتعذبني وتعذب روحك بهالشكل
بده صوته يختفي عرفته تعب وراح لغرفته
اخذت نفس ورجعت لفرشتي خليت راسي على المخده وجسمي كله يرجف هم يجي يوم وانام مرتاحه وبلا تفكير
هم يجي يوم واخلص من سيف واعيش بأمان وراحت بال
نفس التفكير يومية اتخيل روحي عايشه بغير عائلة بيت دافي ؛اهل يحسسوني بحنانهم وخوفهم عليه
اخذلي بالساعات وارجع للواقع الي اني بي وارجع لنفس معاناتي لا أگدر اسكت بعد ما أمن على نفسي كل لحظه اكول هسه يغتصبني
