كفي والمنجمه
بقلمي: leo Alfatlawi
بارت الثالث والعشرون. ج 2
شالت السجينة خلتها على وجهي وضحكت
شفتها قربتها على وجهي كمت ارفس واصيح بس صوتي مخنوگ مااكدر اطلعه
قربت السجينة شخطت بنص خدي ماحسيت هواي بس شي حرگني قليل
اخذت من الدم مالتي لوخت الحمامة ورجعتها على بطني
خوف على رعب عشت لحظات مخيفة بمصير مجهول وياهن
مااعرف شنو ناويات بلحظه اتخيلت راح يكتلني جمدت حتى النفس گطعته
اندكت الباب احس مثل الرحمة ونزلت على ساعة فرحت كلت راح ينقذوني
راحت تهاني يم الباب همست مااسمع شنو اجت تركض لعمتي كالتلها يلا راح يجون اتكول
كامت عمتي فتحت اديه كالت اذا سمعتج صرختي انبت السجينه ابطنج واكول انتحرت
اشرت لا
وخرت الحبل شالت الحمامة وطلعن يركضن كمت وخرت البلاستر بسرعة جسمي يرجف اريد اوصل للباب مااكدر احس رجليه ميته
فتحت الباب وكفت اريد واحد يجيني لو واحد يشوفني ماكو
طلعت كوه اسحل بروحي لكيت البيت خالي وكت المغرب شفت تهاني خطفت وخزرتني شكلها مرعب من الخوف رديت ركضت لغرفتي
سديت الباب ورجعت لزويتي احس راح تحميني لميت رجليه وخليت راسي بحضني مااعرف شسوي حتى الدمعة طارت من عيني
شفايفي ماحس بيها يرجفن بدون توقف؛ صفنت المن اكول منو يصدكني اكيد مؤتمن مكان مايصدكني راح يكتلني يكول تتبلين على امي
اباوع الغرفة ظلمه وحس شي يفتر قلبي من كثر مادكاته سريعة حسيت راح يوكف
عيني صارت بالفون اتمنيته قريب عليه وخابر ماما اباوعلة والخوف مسيطر عليه اخاف اتحرك من مكاني
احس بخنكة قوية تيشيرتي مليان دم زاد خوفي استوني اغمض واسمع صوت شخطة بالغرفة هنا انتهيت
قريت ايات قرأنيه وقويت روحي حتى اكوم اجيب الفون هو نجاتي الوحيد لان ماكو احد بالبيت
زحفت خفت اكوم احس احد مراقبني وصلت للفون اخذته وتصلت بماما بسرعة ردت ها غزوله
بجيت كلتلها ماما لحكيني حموت
-اشبيج ماما لاتخوفيني شكو
-فتحي كام
فتحت كام راويتها ملابس شهكت كالت شنو بيج
-ماما ذني عمتي وتهاني هيج سون بيه وذبحن حمامة وشوهن وجهي حموت ماما لحكيني احس احد وياي بالغرفة
